અમદાવાદ / SG હાઈ-વે પર પોલીસે ઓવરસ્પીડ અને વાહન ચેકિંગ હાથ ધર્યું, દારૂની બોટલ સાથે 2 વ્યક્તિ ઝડપાયા

• અમદાવાદમાં એસ.જી. હાઈ-વે પર પોલીસની ડ્રાઈવ
• ચેકિંગ દરમિયાન કારમાંથી મળ્યો દારૂ
• દારૂની બોટલ સાથે ઝડપાયા 2 લોકો

અમદાવાદમાં એસ.જી. હાઈ-વે પર પોલીસે ડ્રાઈવ હાથ ધરી હતી. શહેરમાં વધતા અકસ્માતોને પગલે ઓવરસ્પીડ અને વાહન ચેકિંગ હાથ ધર્યું હતું. જે તપાસ દરમિયાન એક કારમાંથી દારૂની બોટલ મળી આવી હતી. જે કારમાં એક યુવતી સહિત 2 લોકો સવાર હતા. 

પોલીસે દારૂની બોટલ જપ્ત કરી
ચેકિંગ દરમિયાન પોલીસે ગાડીમાંથી દારૂની બોટલ જપ્ત કરી છે. જેમાં કેટલા નબીરાઓ પણ ઝડપાયા હતા. જે સમગ્ર મામલે પોલીસે તમામ લોકો વિરુદ્ધ કાયદેસરની કાર્યવાહી હાથ ધરી છે. અત્રે જણાવીએ કે, ઈસ્કોન બ્રિજ પર તથ્ય પટેલે સર્જેલા અકસ્માત બાદ પોલીસ એક્ટિવ મોડમાં જોવા મળ રહી છે અને સતત ડ્રાઈવ કરી બેફામ વાહન હંકારતા લોકો પર તવાઈ બોલાવી રહી છે.

સ્પેશિયલ ડ્રાઇવ
પોલીસે મોડી રાત્રે એસજી હાઇવે, સેટેલાઇટ અને સિંધુભવન પર ચેકિંગ હાથ દર્યું હતું. જેમાં JCP, DCP, ACP  સહિતના પોલીસ અધિકારીઓ હાજર રહ્યાં હતા. શહેરમાં વધતા અકસ્માતના બનાવો ને લઈને સમગ્ર શહેરમાં પોલીસે એકાએક સ્પેશિયલ ડ્રાઇવનું આયોજન કર્યું હતું. જેમાં દરેક વાહનને બ્રેક કરાવાની ચેકિંગ કરવામાં આવ્યું હતું જે દરમિયાન એક ગાડીમાંથી દારૂની બોટલ ઝડપાઈ હતી.