અમદાવાદની વિવાદિત કુશલ ટ્રેડલિંક નામની કંપનીમાં ઈન્કમ ટેક્સે દરોડા પાડયા છે કુશુલ ટ્રડ લિંકના આર્થિક વ્યવહાર અંગે અહીં આઈડી ડીપાર્ટમેન્ટે સર્ચ ઓપરેશન હાથ ધર્યું. અમદાવાદમાં આઈટી વિભાગે તપાસનો ધમધમાટ બોલાવતા કુશલ ટ્રેડલિંક સહિત 22 સ્થળો પર આઈટી વિભાગે દરોડા પાડ્યા છે.
ઉપરાંત કુશલ ટ્રેડલિંક સાથે સંકળાયેલા 12 સ્થળો પર પણ દરોડા પાડવામાં આવ્યા છે. અમદાવાદ કચ્છ અને ખેડાના 10 સ્થળો પર દરોડા પાડવામાં આવ્યા અને આઈટી વિભાગે રૂપિયા 700 કરોડના રોકડ વ્યવહારની ચિઠ્ઠીઓ પણ કબજે કરી છે. અમદાવાદના સીજી રોડ પર આવેલી કુશલ ટ્રેડલિંક કંપનીના ડિરેક્ટર્સના ત્યાં પણ આઈટી વિભાગે સર્ચ ઓપરેશન હાથ ધર્યુ.
સંદીપ અગ્રવાલ મહેન્દ્ર અગ્રવાલ અને મનોજ અગ્રવાલના નિવાસ સ્થાને પણ દરોડા પાડવામાં આવ્યા અને કાર્યવાહી હાથ ધરવામાં આવી. આ દરોડા દરમિયાન રૂપિયા 1 કરોડની રોકડ રકમ પણ મળી આવી છે.
ઉપરાંત આટી વિભાગે 9 લોકર્સ પણ સીલ કર્યા છે. આ સિવાય આઈટી વિભાગે રૂપિયા ત્રણ કરોડની FD પણ કબજે કરી છે. ઉપરાંત બે નંબરોના વ્યવહારોના સંખ્યાબંધ દસ્તાવેજો પણ જપ્ત કરીને કાર્યવાહી હાથ ધરવામાં આવી છે.