આદેશ / 'ફીનો ચાર્ટ નોટિસ બોર્ડ પર નહીં લગાવો તો...', ખાનગી શાળાઓ વિરૂદ્ધ અમદાવાદ DEOની લાલ આંખ

અમદાવાદ શહેરમાં અમુક સ્વનિર્ભર શાળાઓ FRCએ નક્કી કરેલી ફીનો ચાર્ટ નોટિસ બોર્ડ પર લગાવતી ન હોવાની ફરિયાદ ઉઠી રહી છે, ત્યારે અમદાવાદ DEOએ શહેરની તમામ સ્વનિર્ભર શાળાને પત્ર લખ્યો છે. જેમાં એફ આર સીએ નક્કી કરેલી ફીનો ચાર્ટ નોટિસ બોર્ડ પર લગાવવા આદેશ આપ્યો છે. 

હવે નહીં ચાલે સ્વનિર્ભર શાળાની મનમાની
આ આદેશનું પાલન નહીં કરનારા શાળા વિરુદ્ધ DEO કાર્યવાહી કરશે. આ સાથે જ અમુક શાળાઓ વાલીઓ પાસેથી આખા વર્ષની ફીની ઉઘરાણી કરતી હોવાની પણ ડીઈઓને ફરિયાદ મળી છે. જેથી ડીઈઓએ આખા વર્ષની ફી એક સાથે ન લેવા આદેશ આપ્યો છે. સાથે જ અમદાવાદ DEOએ આખા વર્ષની ફી ઉઘરાવનારી સ્કૂલની ફરિયાદ કરવા સૂચન કર્યું છે.

વાંચવા જેવું: હીટવેવને લઇ ગુજરાતનું આરોગ્ય તંત્ર એલર્ટ, વહીવટી તંત્રને આપ્યો તમામ સુવિધાઓ પૂરી પાડવાનો આદેશ

શાળા ફી લેવા દબાણ કરે તો DEOને ફરિયાદ કરવા સૂચન
FRCના પગલે જે શાળા ફી ચાર્ટ નોટિસ બોર્ડ પર નહીં રાખે તેના વિરુદ્ધ કડક કાર્યવાહી કરવામાં આવશે. સાથો સાથ શાળા 3 મહિનાથી વધુ સમયની ફી સાથે લેશે તો કાર્યવાહી કરવામાં આવશે. આપને જણાવીએ કે, કેટલીક શાળાઓ વાર્ષિક ફી માટે વાલીને દબાણ કરે છે જેને લઈ DEOને ફરિયાદ કરવા સૂચન કર્યું છે

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો