ગાંધીનગર / હીટવેવને લઇ ગુજરાતનું આરોગ્ય તંત્ર એલર્ટ, વહીવટી તંત્રને આપ્યો તમામ સુવિધાઓ પૂરી પાડવાનો આદેશ

રાજ્યમાં કાળઝાળ ગરમીનો રાઉન્ડ ચાલી રહ્યો છે. જેના કારણે સનસ્ટ્રોક સહિતના કેસોમાં વધારો થઈ રહ્યો છે. વાત કરવામાં આવે તો માર્ચ મહિનાથી લઈ અત્યાર સુધી 29 સન સ્ટ્રોકના કેસ સામે આવ્યા છે.

ગરમીના પગલે તંત્ર એલર્ટ

જણાવીએ કે, ગરમીના કારણે ચક્કર આવવા જેવા લક્ષણોને લઈ 108ને 60થી 70 કોલ મળ્યા છે. આરોગ્ય વિભાગે ગરમીની આ સ્થિતિમાં તમામ CSC અને PHC સેન્ટરો પર દવાઓનો પુરતો જથ્થો ઉપલબ્ધ છે કે કેમ તે અંગે વ્યવસ્થા ચકાસણી કરી છે. સાથે જ સેન્ટર પર ડિપ ફ્રીઝ, આઈસ પેકની વ્યવસ્થા રાખવા સૂચના અપાઈ છે. મહત્વનું છે કે ગરમીના કારણે શહેરી વિસ્તારોમાં સ્થાનિક વહીવટી તંત્રને એલર્ટ રહેવા સૂચનાઓ અપાઈ છે. 

વાંચવા જેેવું:  'મે મોવડી મંડળને કહેલું કે પ્રતાપભાઇ દૂધાતને કહો કે...', પક્ષમાંથી સસ્પેન્ડ કર્યા બાદ નિલેશ કુંભાણી આ શું બોલ્યા?

બેવડી ઋતુ અનુભવાશે

રાજ્યમાં એક તરફ અંગ દઝાડતી ગરમી પડી રહી છે તો બીજી તરફ હવામાન વિભાગે કમોસમી વરસાદની પણ આગાહી કરી છે. જેના પગલે રાજ્યના કેટલાક વિસ્તારોમાં હવામાનમાં પલટો પણ આવ્યો છે. ગરમી સાથે આગામી 24 કલાક સામાન્ય વરસાદ રહેશે. જેમાં ઉત્તર ગુજરાત, દક્ષિણ ગુજરાત અને કચ્છમાં વરસાદની આગાહી કરવામાં આવી છે. બનાસકાંઠા, મહેસાણા, સાબરકાંઠા, અરવલ્લી, ખેડા, પંચમહાલ દાહોદમાં વરસાદની આગાહી કરાઈ છે. જ્યારે મહીસાગર, વડોદરા, છોટાઉદેપુર, નર્મદા, સુરત, ડાંગ, તાપી, નવસારી, વલસાડ, દમણ દાદરા નગર હવેલીમાં વરસાદની આગાહી કરાઈ છે. તેમજ જામનગર અને દ્વારકા, કચ્છમાં સામાન્ય વરસાદની આગાહી કરાઈ છે. રાજ્યમાં સાયક્લોનિક સર્ક્યુલેશન સક્રિય થતા વાતાવરણમાં એકાએક પલટો આવશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો