લોકસભા ચૂંટણીના ત્રીજા તબક્કામાં આજે 11 રાજ્યો અને કેન્દ્રશાસિત પ્રદેશોની 93 સંસદીય બેઠકો પર મતદાન પૂર્ણ થયું છે. સાંજ સુધીમાં, પ્રથમ ત્રણ તબક્કામાં 280 થી વધુ મતક્ષેત્રો એટલે કે કુલ લોકસભા બેઠકોમાંથી અડધાથી વધુ પર મતદાન પૂર્ણ થઈ ગયું છે. બાકીના ચાર તબક્કામાં 263 સંસદીય મતવિસ્તારો માટે મતદાન થશે. દાદરા અને નગર હવેલીના કેન્દ્રશાસિત પ્રદેશો અને દમણ અને દીવની1 બેઠક સહિત ગુજરાતમાં 25 બેઠકો, ( કારણ કે ભાજપે સુરત બેઠક બિનહરીફ જીતી છે) અને ગોવાની 2 બેઠકો પર એક જ તબક્કામાં આજે મતદાન પૂર્ણ થયું હતું.
કયા રાજ્યની કેટલી બેઠકો પર યોજાયું મતદાન ?
ત્રીજા તબક્કામાં આજે જે અન્ય બેઠકો પર મતદાન યોજાયું તેમાં આસામની 4, બિહારની 5, છત્તીસગઢની 7, મધ્યપ્રદેશની 8, મહારાષ્ટ્રની 11, ઉત્તર પ્રદેશની 10 અને પશ્ચિમ બંગાળની 4 બેઠકોનો સમાવેશ થાય છે. આ તબક્કામાં ધ્યાન આપવા લાયક મુખ્ય મતદારક્ષેત્રોમાં ગુજરાતની ગાંધીનગર બેઠક અને મહારાષ્ટ્રની બારામતી બેઠકનો સમાવેશ થાય છે. કોંગ્રેસના સોનલ રમણભાઈ પટેલ ગાંધીનગરથી ગૃહમંત્રી અમિત શાહ સામે ચૂંટણી લડી રહ્યા છે; અને બારામતીથી શરદ પવારની પુત્રી સુપ્રિયા સુલે તેમના પિતરાઈ ભાઈ અજિત પવારની પત્ની સુનેત્રા પવાર સામે ચૂંટણી લડી રહી છે.
અન્ય કઇ બેઠકો પર દિગ્ગજો ?
ત્રીજા તબક્કાની અન્ય હોટ સીટો મધ્યપ્રદેશની વિદિશા અને ગુના છે. ભાજપે વિદિશાથી પૂર્વ મુખ્યમંત્રી શિવરાજ સિંહ ચૌહાણને ટિકિટ આપી છે. તેમની સામે કોંગ્રેસના ઉમેદવાર ભાનુ પ્રતાપ શર્મા છે. કેન્દ્રીય મંત્રી જ્યોતિરાદિત્ય સિંધિયા ગુનાથી ભાજપના ઉમેદવાર છે. કોંગ્રેસે અહીંથી રાવ યાદવેન્દ્ર સિંહને મેદાનમાં ઉતાર્યા છે.
સાંજે 5 વાગ્યા સુધી સરેરાશ 60% મતદાન
સાંજે 5 વાગ્યા સુધી સરેરાશ 60% મતદાન નોંધાયું છે. આસામમાં 74.86%, બિહારમાં 56.01%, છત્તીસગઢમાં 66.87%, દાદરા અને નગર હવેલી અને દમણ અને દીવમાં 65.23%, ગોવામાં 72.52%, ગુજરાતમાં 55.22%, કર્ણાટકમાં 66.05%, મહારાષ્ટ્રમાં 62%, મધ્યપ્રદેશમાં 62%. 53.40%, ઉત્તર પ્રદેશમાં 55.13% અને પશ્ચિમ બંગાળમાં 73.93% મતદાન નોંધાયું હતું.. જો કે આ આંકડા સાંજે 5 વાગ્યા સુધીના છે..મતદાનનો સમય પૂર્ણ થયા સુધીમાં કેટલું મતદાન થયું તેના ચોક્કસ આંકડા હજુ સામે આવવાના બાકી છે.
