ગુજરાત / અમદાવાદની સિવિલ હોસ્પિટલમાં બીમારી પહેલા થશે સારવાર! NGS મશીનથી નીકળશે હેલ્થ કુંડળી, હાઈટેક સુવિધા જાણવા જેવી

• NGS મશીનથી નીકળશે હેલ્થ કુંડળી!  
• બીમારી પહેલા થશે સારવાર!  
• હાઈટેક મશીનરીથી સજ્જ કિડની હોસ્પિટલ

NGS machine : ભારત હાલ દરેક ક્ષેત્રે વિકાસ કરી રહ્યો છે. દેશના વૈજ્ઞાનિકોથી લઈ તબીબો ઇતિહાસ સર્જી રહ્યા છે. કોરોનાકાળમાં તબીબોએ સામર્થ દેખાડ્યું તો વૈજ્ઞાનિકોએ ચંદ્ર પર ઝંડો ફરકાવ્યો તો બીજી તરફ અમદાવાદની સિવિલ હોસ્પિટલમાં ડોક્ટરોએ હાલ કમાલ કરી રહ્યા છે. ડોક્ટરોએ નેક્સ્ટ જનરેશન સિક્વેન્સ નામની એક મશીનની શોધ કરી છે. આ મશીનના ઉપયોગથી કોઈ પણ વ્યક્તિની હેલ્થ કુંડળી કાઢી શકાય છે. 

NGSના ઉપયોગથી અગાઉથી મળી જશે જાણકારી
આજના અત્યાધુનિક સમયમાં દેશ અને દુનિયા ખૂબ જ ઝડપથઈ વિકાસ કરી રહ્યા છે. પ્રધાનમંત્રી મોદીના નેતૃત્વમાં એક તરફ દેશ વિશ્વ લીડર બનાવાની હોડમાં સૌથી મોખરે છે તો દેશના વૈજ્ઞાનિક અને ડોક્ટરો પણ કમાલ કરી રહ્યા છે. કોરોનાકાળમાં ભારતીય ડોક્ટરોએ અધભુત કામ કર્યું તો ચંદ્રયાન-3ની ચંદ્ર પર સફળ લેન્ડિંગથી વૈજ્ઞાનિકોએ દુનિયામાં ડંકો વગાડ્યો. પંરતુ આજે આપણે વાત કરીશું ભારતીય ડોક્ટરો દ્વારા કરવામાં આવેલી એક એવી શોધ. જેના ઉપયોગથી આગામી સમયમાં થતા રોગો વિશે અત્યારથી જાણી શકાશે. અમે વાત કરી રહ્યા છીએ નેક્સ્ટ જનરેશન સિક્વન્સિંગ મશીન અંગે.

સરકારી હોસ્પિટલમાં આ સુવિધા
ગુજરાતની સરકારી હોસ્પિટલના કિડની વિભાગમાં હાલ અદ્યતન મશીનરી વસાવવામાં આવી છે. NGS મશીનની સુવિધાઓ હાલ અનેક મોંઘી અને પ્રાઈવેટ હોસ્પિટલોમાં જોવા મળી શકે છે પરંતુ પહેલીવખત રાજ્યની સરકારી સિવિલ હોસ્પિટલમાં આ પ્રકારની મશીન વસાવવામાં આવી છે. ત્યારે ખરેખર જરૂરિયાતમંદ, ગરીબ અને મધ્યમવર્ગીય લોકો માટે NGS મશીન આશીર્વાદ સ્વરૂપ સાબિત થઈ શકે છે. 

ખૂબ જ ઉપયોગ
આજના અત્યાધુનિક યુગમાં દિવસેને દિવસે અનેક પ્રકારની બિમારીઓ સામે આવી રહી છે. વર્ષે હજારો લાખોની સંખ્યામાં લોકો બિમારીને કરાણે મોતને ભેટે છે ત્યારે આ પ્રકારની મશીનરીના ઉપયોગથી દર્દીમાં રહેલા જીનના માધ્યમથી બીમારીની તીવ્રતા, તેની અસર અને તેના નિવારણ વિશે અગાઉથી જાણકારી મળી શકે છે. જેના માધ્યમથી તબીબ દર્દીનો જીવ સમય રહેતા બચાવી શકે છે.