દુર્ઘટના / દ્વારકા-પોરબંદર હાઇવે પર ભીષણ અકસ્માત: કાર પલટી મારતા 2નાં મોત, 5 ઇજાગ્રસ્ત, એકની હાલત ગંભીર

Malay

Last Updated: 12:07 PM, 5 June 2023

FOLLOW ON

શેર કરો

Accident on Dwarka Highway: દ્વારકા-પોરબંદર હાઈવે પર ભીમપરા ગામ પાસે અકસ્માત સર્જાતા 2 લોકોના કરૂણ મૃત્યુ નીપજ્યાં છે. તો 5 ઈજાગ્રસ્તોને હોસ્પિટલમાં ખસેડવામાં આવ્યા છે.

દ્વારકા-પોરબંદર હાઇવે પર ગમખ્વાર અકસ્માત
અકસ્માતમાં કારમાં સવાર 7 લોકોમાંથી 2ના મૃત્યુ
ઇજાગ્રસ્તોને સારવાર અર્થે હોસ્પિટલમાં ખસેડાયા

ગુજરાતમાં આજે સવારે વધુ એક અકસ્માતનો બનાવ સામે આવ્યો છે. દ્વારકા-પોરબંદર હાઈવે પર અકસ્માત સર્જાતા 2 લોકોના કરૂણ મૃત્યુ નીપજ્યાં છે. જ્યારે 5 ઈજાગ્રસ્તોને સારવાર અર્થે હોસ્પિટલમાં ખસેડવામાં આવ્યા છે.

ભીમપરા ગામ પાસે અકસ્માત
પ્રાપ્ત વિગતો અનુસાર, દ્વારકા-પોરબંદર હાઈવે પર ભીમપરા ગામ પાસે કાર ચાલકે સ્ટિયરિંગ પર કાબૂ ગુમાવતા કાર પલટી મારી ગઈ હતી. આ અકસ્માત બાદ મોટી સંખ્યામાં સ્થાનિકો એકઠા થઈ ગયા હતા. સ્થાનિકો દ્વારા આ અંગેની જાણ કરાતા પોલીસ અને 108 એમ્બ્યુલન્સ અકસ્માત સ્થળે દોડી આવી હતી. જે બાદ સ્થાનિકો મદદથી ઈજાગ્રસ્તોને તાત્કાલિક હોસ્પિટલ ખાતે ખસેડવામાં આવ્યા હતા.

કારમાં સવાર અન્ય 5 લોકો ઈજાગ્રસ્ત
હાઇવે પર કાર પલટી મારી જતાં એક બાળક અને પુરૂષનું ઘટના સ્થળે જ મૃત્યુ નીપજ્યું છે. જ્યારે કારમાં સવાર અન્ય 5 લોકો ઈજાગ્રસ્ત થયા છે. ઇજાગ્રસ્તોને સારવાર અર્થે દ્વારકા સરકારી હોસ્પિટલમાં ખસેડાયા છે. તમામ ઈજાગ્રસ્તો પૈકી એક મહિલાની હાલત ગંભીર હોવાથી તેમને જામનગર રિફર કરાયા છે.

પોલીસ ગુનો નોંધીને તપાસ હાથ ધરી
પોલીસની પ્રાથમિક તપાસમાં મૃતક બાળકનું નામ પ્રિન્સ હોવાનું અને અન્ય એક વ્યક્તિનું નામ અનિલ બારોટ હોવાનું સામે આવ્યું છે. તો પોલીસે આ મામલે અકસ્માતનો ગુનો નોંધીને વધુ તપાસ હાથ ધરી છે. પોલીસ દ્વારા તમામના પરિવારજનોને આ અંગેની જાણ કરવામાં આવી છે.

સંકળાયેલા મુદ્દાઓ

Dwarka-Porbandar Highway ગમખ્વાર અકસ્માત દ્વારકા-પોરબંદર હાઈવે ભયાનક અકસ્માત ભીષણ અકસ્માત Accident on Dwarka Highway