ક્રિકેટ / World Cup માં કોમેન્ટ્રી કરતાં આકાશ ચોપડા સાથે જ છેતરપિંડી: પૂર્વ અધિકારી જ 33 લાખની ટોપી પહેરાવી ગયો!

• પૂર્વ ઓપનર બેટ્સમેન અને કોમેન્ટેટર આકાશ ચોપરા સાથે છેતરપિંડી 
• 57.80 લાખ રૂપિયા આપ્યા હતા પણ 33 લાખની રકમ હજુ મળી નથી 
• બિઝનેસ વધારવા માટે આકાશ ચોપરા પાસેથી પૈસા ઉછીના લીધા હતા

ભારતીય ક્રિકેટ ટીમના પૂર્વ ઓપનર બેટ્સમેન અને કોમેન્ટેટર આકાશ ચોપરા સાથે 33 લાખ રૂપિયાની છેતરપિંડીનો મામલો સામે આવ્યો છે. આકાશ સાથે આ છેતરપિંડી હૈદરાબાદ ક્રિકેટ એસોસિએશનના ભૂતપૂર્વ અધિકારી કમલેશ પરીખ અને તેના પુત્ર ધ્રુવ પરીખે કરી છે. આકાશ ચોપરાએ બંનેને 57.80 લાખ રૂપિયા લોન તરીકે આપ્યા હતા, જે તે હવે પરત કરી રહ્યા નથી. આ સંદર્ભે આકાશે બંને વિરુદ્ધ FIR નોંધાવી છે. 

Shami and Siraj dominated Sri Lanka's batters, securing India's semi-final spot. How to play left-arm pacers on #TheInsider and key match-ups for the SMAT semis in today's @TooYumm #Aakashvani 🏏 Link below 👇🏻

📺: https://t.co/aXPmaU3758

Only on @JioCinema #CricketTwitter… pic.twitter.com/8n8wpgqQdB

— Aakash Chopra (@cricketaakash) November 4, 2023

વાસ્તવમાં સમગ્ર મામલો એમ છે કે આકાશ ચોપરાએ કમલેશ પરીખ અને તેના પુત્રને જૂતાના વ્યવસાયમાં મદદ કરવા માટે 57.80 લાખ રૂપિયા ઉછીના આપ્યા હતા. દરમિયાન, 24.80 લાખની રકમ આકાશને પરત કરવામાં આવી હતી, પરંતુ ઘણા પ્રયત્નો બાદ પણ બાકીની 33 લાખની રકમ ન મળતાં તેણે પોલીસમાં છેતરપિંડીની ફરિયાદ નોંધાવી હતી.

હૈદરાબાદ ક્રિકેટ એસોસિએશનના ભૂતપૂર્વ અધિકારીઓ કમલેશ પરીખ અને ધ્રુવ પરીખ આગ્રામાં સ્પોર્ટ્સ અને શોપના માલિક છે. બંનેએ પોતાનો બિઝનેસ વધારવા માટે આકાશ ચોપરા પાસેથી પૈસા ઉછીના લીધા હતા.

Ever seen a stronger World Cup bowling lineup for India? 👀 🔥 Let’s talk about bowlers! 🎙️
Also 👉🏻 The significance of milestones & Madushanka's IPL prospects from #CWC23 — in today's Super Over.

📺 Click to watch ⬇️ https://t.co/hmTtcdLW0N#CricketTwitter… pic.twitter.com/2qsngreQXt

— Aakash Chopra (@cricketaakash) November 3, 2023

માત્ર આકાશ ચોપરા જ નહીં, ટીમ ઈન્ડિયાના સ્ટાર ઓલરાઉન્ડર દીપક ચહરને પણ સ્પોર્ટ્સ એન્ડ શોપના માલિકે છેતર્યા હતા. આ મામલે દીપકે પોલીસમાં ફરિયાદ પણ નોંધાવી હતી. જોકે આ સમગ્ર મામલે હરિપર્વત પોલીસ સ્ટેશન તરફથી કોઈ સત્તાવાર નિવેદન આવ્યું નથી, પરંતુ આકાશ ચોપડા સાથે 33 લાખ રૂપિયાની છેતરપિંડી ખૂબ જ હાઈપ્રોફાઈલ કેસ બની ગયો છે.

આકાશ વર્લ્ડ કપમાં કોમેન્ટ્રી પેનલનો ભાગ નથી
જણાવી દઈએ કે આકાશ ચોપડા તેની રમત કરતાં તેની કોમેન્ટ્રી માટે વધુ હેડલાઈન્સ મેળવે છે. જો કે, તે ICC ODI વર્લ્ડ કપમાં કોમેન્ટ્રી પેનલનો ભાગ નથી, જેના કારણે ફેન્સ તેને ખૂબ મિસ કરી રહ્યા છે.