સાબદા રહેજો / CCTV: જુઓ તો ખરા ખબર પણ ન પડીને ATM કાર્ડ બદલી નાખ્યું, ધ્રાંગધ્રામાં ગઠિયો 1.3 લાખ લૂંટી ગયો

• ધ્રાંગધ્રામાં ગઠિયા 1.3 લાખ સેરવી ગયા
• ATM કાર્ડ બદલી ગઠિયો રૂપિયા ઉઠાવી ગયો
• ઠગાઈની ઘટનાના CCTV ફૂટેજ આવ્યા સામે

ATM સેન્ટરમાં બનતા છેતરપિંડીના કિસ્સાઓને લઈને કાર્ડધારકોએ સાબદા રહેવાની જરૂર છે. આવી સ્થિતિ વચ્ચે સુરેન્દ્રનગરના ધ્રાંગધ્રામાં કાર્ડધારકોની આંખ ઉઘાડી નાખતો કિસ્સો સામે આવ્યો છે. જેમાં ATM કાર્ડ બદલી ગઠિયો 1.3 લાખ સેરવી ગયો હોવાનું સામે આવતા ચકચાર મચી જવા પામી છે. ઠગાઈની સમગ્ર ઘટનાના CCTV ફૂટેજ  સામે આવ્યા છે.જેમાં ખબર પણ ન પડે તે રીતે શાતિરતા વાપરી આરોપીએ રૂપિયાની લૂંટ ચલાવી હોવાનું દ્રશ્યમાન થઈ રહ્યું છે. આ મામલે ફરિયાદ બાદ પોલીસે કાર્યવાહી આરંભી છે.

પોલીસે તપાસ તેજ બનાવી

ચોરી, ઠગાઈ, છેતરપિંડીની નિતનવી ઘટનાઓ પ્રકાસમાં આવતી હોય છે ત્યારે ધ્રાંગધ્રા શહેરના રેલવે સ્ટેશન સામે આવેલ ગેસ્ટહાઉસ નજીક રહેતા ભગાજીભાઈ વણઝારાનો પુત્ર તેના પિતાનું એટીએમ કાર્ડ લઈને રૂપિયા ઉપાડવા ગયો હતો. આ દરમિયાન પુત્ર રૂપિયા ઉપાડયા વગર જ ઘરે આવ્યો હતો. પરંતુ ખાતામાંથી 1.3 લાખ રૂપિયા ઉપડી જતા ઉપડી જતા ભગાજીભાઈ તાબડતોબ બેંકને જાણ કરવા દોડી ગયા હતા અને પોલીસને ફરિયાદ કર્યા બાદ સીસીટીવી તપાસતા બે શખ્સોએ આ કૃત્ય આચર્યું હોવાનું સામે આવ્યું હતું. જેને લઈને હાલ આરોપી સુધી પહોંચવા પોલીસે તપાસ તેજ બનાવી છે.