હૃદયદ્રાવક / અમદાવાદમાં એક-બે દિવસની કુમળી બાળકીને ત્યજી દેવાઈ, છેલ્લા 15 દિવસમાં ત્રીજી ઘટનાથી વધી ચિંતા

• શહેરમાં લૂંટ અને ચોરી બાદ બાળકો મળી આવવાની ઘટનામાં વધારો 
• 15 દિવસમાં શહેરમાં ત્રણ સ્થળે મળ્યા બાળકો
• બાળકીના પરિવારજનોને શોધવા કવાયત

અમદાવાદના કૃષ્ણનગરમાં નવજાત બાળક મળ્યું
અમદાવાદમાં નાના બાળક મળવાની ઘટનામાં વધારો જોવા મળી રહ્યો છે. શહેરમાં છેલ્લા 15 દિવસમાં 3 જેટલા બાળકો મળી આવ્યા છે. અમદાવાદમાં એક નાનકડી બાળકી કૃષ્ણનગર વિસ્તારમાં આવેલ મહાલક્ષ્મી મંદિર પાસે amts બસ સ્ટેન્ડ પરથી મળી આવી. ગત રાત્રે 12  આગે સ્થાનિકને બાળક રડવાનો અવાજ આવતા તપાસ કરતા મામલો સામે આવ્યો. જે બાદ સ્થાનિક પોલીસને સમગ્ર મામલે જાણ કરાતા કૃષ્ણનગર પોલીસે બાળકીના વાલી વારસની શોધખોળ હાથ ધરી છે. જોકે જ્યાંથી બાળકી મળી આવી ત્યાં CCTV નહીં હોવાથી અને જે છે તે cctv બંધ હોવાથી પોલીસે સ્થાનિકોની પૂછપરછ શરૂ કરી તપાસ શરૂ કરી છે.

પોલીસે તપાસ કરતા સામે આવ્યું છે કે બાળકી એક બે દિવસની જ છે. જેથી આસપાસની હોસ્પિટલમાં બાળકીની ડિલિવરી થઈ હોય શકે છે. અથવા તો બહારથી બાળકને લાવી AMTS બસ સ્ટેન્ડમાં મૂકી દેવામાં આવ્યું છે. જેથી પોલીસે તે દિશામાં પણ તપાસ શરૂ કરી છે. 

છેલ્લા 15 દિવસમાં 3 નવજાત બાળક મળ્યા
ઉલ્લેખનીય છે કે અગાઉ 14 ઓક્ટોબરે શ્રીનંદ સિટી પાસે જ્યારે 29 ઓક્ટોબરે અમરાઈવાડીમાં મહાલક્ષ્મી નગર પાસે બાળક મળી આવ્યું હતું. ઉલ્લેખનીય છે કે અવારનવાર બાળક મળી આવવાની ઘટનાથી સમાજમાં માનવીય મૂલ્યોનું કેટલી હદે પતન થઈ ગયુ છે તે જાણી શકાય છે, તથા વારંવાર નવજાત બાળકને ત્યજવાની ઘટના એ આદર્શ સમાજના લક્ષણ નથી અને તે ખુબજ ચિંતાજનક છે. કૃષ્ણનગરમાં મળી આવેલ બાળકી પહેલા 14 ઓક્ટોબરે વેજલપુરમાં શ્રીનંદ સીટી પાસે જ્યારે 29 ઓક્ટોબરે અમરાઈવાળીમાં મહાલક્ષ્મી નગર પાસે બાળક મળી આવેલ. તો તે પહેલાં પેથાપુરમાં બાળક મળી આવ્યું હતું.  ત્યારે બાળકોને ત્યજી દેનાર લોકો વિરુદ્ધ કડક કાર્યવાહી કરીને આવી શર્માસાર કરતી ઘટના પર નિયંત્રણ લાવવા પોલીસે તપાસ શરૂ કરી છે.