લોકસભા ચૂંટણી 2024 / ભાજપની એક પોસ્ટથી સોશ્યલ મીડિયા પર શરૂ થઈ ચર્ચા, TMKOC ના અસિત મોદીએ આપ્યો જવાબ

લોકસભા ચૂંટણી 2024 પહેલા ભારતીય જનતા પાર્ટીએ સોશિયલ મીડિયા પર એક પોસ્ટ શેર કરીને હલચલ મચાવી દીધી છે. આ પોસ્ટમાં તેમણે જણાવ્યું છે કે પાછલા વર્ષોમાં પાર્ટીએ જનતા માટે કેવી રીતે કામ કર્યું છે. આ મુદ્દાને વ્યક્ત કરવા માટે, પાર્ટીએ આઇકોનિક કોમેડી શો 'તારક મહેતા કા ઉલ્ટા ચશ્મા'ના પાત્રોનો ઉપયોગ કર્યો. સોશિયલ મીડિયા પર ઘણા યુઝર્સ આ મજેદાર રીતને પસંદ કરી રહ્યા છે. બીજી તરફ  ઘણા યુઝર્સ એવું પણ કહે છે કે આનાથી મતદારો પ્રભાવિત થશે, તેથી આ પોસ્ટ આદર્શ આચાર સંહિતાનો ભંગ કરી રહી છે.

 

 

 

 

View this post on Instagram

 

 

 

 

 

 

 

 

 

 

 

A post shared by BJP - Bharatiya Janata Party (@bjp4india)

 

મને નથી લાગતું કે આમાં કંઈ વાંધાજનક છેઃ અસિત મોદી 

શો 'તારક મહેતા કા ઉલ્ટા ચશ્મા'ના નિર્માતા અસિત મોદીએ કહ્યું, 'મને આ પોસ્ટ વિશે થોડા સમય પહેલા ખબર પડી હતી. મને નથી લાગતું કે આમાં કંઈ વાંધાજનક છે. આ એક સારા હેતુવાળી પોસ્ટ છે અને પક્ષને મત આપવા માટે કોઈને પ્રભાવિત કરતી નથી. પોસ્ટમાં પહેલેથી જ પૂછવામાં આવેલો પ્રશ્ન એ છે કે 'જો આવું થાય તો શું?' તે અનુમાનિત પરિસ્થિતિઓનો ઉપયોગ કરીને બનાવવામાં આવ્યું છે. તેથી મને તેમાં કંઈ ખોટું દેખાતું નથી.

આ પણ વાંચોઃ ભાજપે ઈલેકશન મેનિફેસ્ટો માટે બનાવી સમિતિ, રાજનાથ સિંહની અધ્યક્ષતામાં 27 મંત્રી તૈયાર કરશે ચૂંટણી ઢંઢેરો

શું તમે બીજા કોઈને આ કરવા દેશો?

મહત્વપૂર્ણ છે  અગાઉ, શોના નિર્માતાઓએ 'સ્વચ્છ ભારત મિશન'ને પ્રમોટ કરવાની જાહેરાત કરી હતી. વર્ષ 2019 માં, શોએ તેના પ્લોટ દ્વારા વોટિંગના મુદ્દાને પણ પ્રમોટ કર્યો હતો.  અસિત મોદીને જ્યારે સવાલ કરાયો કે  શું  કોઈ અન્ય રાજકીય પક્ષ પોતાના પ્રચાર માટે તેમના શોના પાત્રોનો ઉપયોગ કરે તો પણ તેમને કોઇ જ વાંધો નહીં હોય. જવાબમાં આસિત મોદીએ કહ્યું કે, 'સાચું કહું તો આ બધું તેના પર નિર્ભર કરે છે કે તેઓ કેવા પ્રકારનું કન્ટેન્ટ બનાવી રહ્યા છે. સોશિયલ મીડિયા પર સામગ્રી બનાવવા માટે ઘણા લોકો અમારા પાત્રોનો ઉપયોગ કરે છે. . તેમણે કહ્યું કે પરંતુ જો આવું કંઈ અમને કહેવામાં આવશે તો અમે ચોક્કસ તેની તપાસ કરીશું. તેમણે એમ પણ કહ્યું કે શોની ટીમ હંમેશા સોશિયલ મીડિયા પર નજર રાખી શકતી નથી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો