ઘટના / દ્વારકાના રાણ ગામે બોરવેલમાં પડી 3 વર્ષીય બાળકી! 30 ફૂટ ઉંડે હોવાનું અનુમાન, રેસ્ક્યૂ માટે તંત્રનું મેગા ઓપરેશન શરૂ

Dinesh

Last Updated: 10:31 PM, 6 February 2024

FOLLOW ON

શેર કરો

Dwarka news: દ્વારકાના રાણ ગામે બોરવેલના 30 ફૂટ ઉંડા ખાડામાં બાળકી પડી જતા ફાયર વિભાગે બચાવ કામગીરી હાથ ધરી છે, તેમજ 108ની ટીમ દ્વારા બાળકીને ઓક્સિજન પહોંચાડવામાં આવી રહ્યું છે

દ્વારકાના રાણ ગામે બોરવેલમાં 30 ફૂટ ઉંડે પડી બાળકી
કલેક્ટર સહિતના ઉચ્ચ અધિકારીઓનો કાફલો ઘટના સ્થળે
સ્થાનિક ફાયર વિભાગની ટીમ પણ સ્થળ પર હાજર

દ્વારકાના રાણ ગામેથી એક કમકમાટી ભરી ઘટના સામે આવી છે. બોરવેલમાં 30 ફૂટ ઉંડે બાળકી ગરકાવ થઈ છે. જે ઘટનાને પગલે કલેક્ટર સહિતના ઉચ્ચ અધિકારીઓનો કાફલો ઘટના સ્થળે પહોંચ્યો છે. સ્થાનિક ફાયર વિભાગની ટીમ પણ સ્થળ પર છે તેમજ બચાવ કામગીરી હાથ ધરાઈ છે.

NDRF અને આર્મીની ટીમોને કલેક્ટરે કરી જાણ
રાણ ગામે બોરવેલના 30 ફૂટ ઉંડા ખાડામાં બાળકી ગરકાવ થતાં ફાયર વિભાગે બચાવ કામગીરી હાથ ધરી છે, તો બીજી તરફ 108ની ટીમ દ્વારા પણ બાળકીને ઓક્સિજન પહોંચાડવામાં આવી રહ્યું છે. આપને જણાવી દઈએ કે, આ બચાવ ઓપરેશનમાં NDRF અને આર્મીની ટીમોને કલેક્ટરે જાણ કરી છે, જેના પગલે બરોડાથી દ્વારકા આવવા માટે NDRFની ટીમ પણ રવાના થઈ છે.

ધારાસભ્ય પબુભા માણેક ઘટના સ્થળે પહોંચા
આ ઘટનાના પગલે જિલ્લા પોલીસ વડા નિતેશ પાંડેય તેમજ ધારાસભ્ય પબુભા માણેક ઘટના સ્થળે પહોંચા છે. JCB મશીનની મદદથી દીવાલ પાડવાની કામગીરી હાથ ધરાઈ છે. ક્રેન ઈન્ડિયા કંપનીની ફાયર વિભાગની ટીમ પણ સ્થળ પર પહોંચી છે. ઘટના સ્થળ નજીક લોકોના ટોળાને દૂર કરાયા છે.

જાણીએ સુપ્રિમ કોર્ટની ગાઈડલાઇન
બોરવેલ અકસ્માતને રોકવા માટે સુપ્રિમ કોર્ટની ગાઈડલાઇન જાણીએ તો બોરવેલની બનાવવાનો હોય ત્યારે તે સબંધિત કચેરીમાં નોંધણી કરાવવી જોઈએ. બોરવેલ ખોદવામાં આવી રહ્યો છે ત્યાં સાઈન બોર્ડ લગાવવું જરૂરી છે. સાઈન બોર્ડ પર ટ્યુબવેલ ખોદતી અથવા પુનઃસ્થાપિત કરતી એજન્સીનું સંપૂર્ણ સરનામું અને બોરવેલના માલિક અથવા તેનો ઉપયોગ કરતી એજન્સીની વિગતો હોવી જોઈએ. બોરવેલના બનાવ્યા બાદ તેના કેસીંગ પાઇપની આસપાસ સિમેન્ટ/કોંક્રીટનું પ્લેટફોર્મ બનાવવામાં આવે છે. જ્યાં ઊંચાઈ 0.30 મીટર હોવી જોઈએ. પ્લેટફોર્મ જમીનમાં 0.30 મીટર ઊંડું બનાવવાનું રહેશે. કેસીંગ પાઈપના મુખ પર સ્ટીલ પ્લેટને વેલ્ડિંગ કરવી જોઈએ અથવા તેને નટ-બોલ્ટ વડે ફીટ કરવું. આ વ્યવસ્થાનો હેતુ બાળકોને ટ્યુબવેલના ખુલ્લા મોંને કારણે પડી જવાના જોખમથી બચાવવાનો છે