BIG NEWS / અમેરિકામાં ફરી અંધાધૂંધ ફાયરિંગ, 9 લોકોના મોત, પોલીસે હુમલાખોરને પણ ઠાર માર્યો

• અમેરિકામાં ફાયરિંગની ઘટનાઓ સતત થઈ રહ્યો છે વધારો
• ટેક્સાસમાં એલન પ્રીમિયમ આઉટલેટ્સ મોલમાં ગોળીબાર 
• ગોળીબારમાં નવ લોકોના મોત થયા હતા અને સાત ઘાયલ

અમેરિકામાં ફાયરિંગની ઘટનાઓ સતત વધારો થઈ રહ્યો છે. આ દરમિયાન હવે ટેક્સાસમાં ફાયરિંગની ઘટના સામે આવી છે. વાત જાણે એમ છે કે, શનિવારે ટેક્સાસના એલનમાં એલન પ્રીમિયમ આઉટલેટ્સ મોલમાં ગોળીબારમાં નવ લોકોના મોત થયા હતા અને સાત ઘાયલ થયા હતા. ઈજાગ્રસ્તોને તાત્કાલિક હોસ્પિટલમાં લઈ જવામાં આવ્યા હતા. મહત્વનું છે કે, બાદમાં પોલીસે હુમલાખોરને ઠાર માર્યો હતો. 

એલન પોલીસ વિભાગે તેના સત્તાવાર ટ્વિટર હેન્ડલ પર જણાવ્યું કે, પોલીસ એલન પ્રીમિયમ આઉટલેટ્સ પર હાજર છે. હાલ તપાસ ચાલી રહી છે. સોશિયલ મીડિયા પર શેર કરવામાં આવેલા વીડિયોમાં લોકો શોપિંગ મોલની સામેના પાર્કિંગમાંથી ભાગતા જોવા મળે છે. બેકગ્રાઉન્ડમાં જોરથી પોપિંગનો અવાજ સંભળાઇ રહ્યો છે. 

Anyone who witnessed the incident or has video footage should contact 1-800-CALL-FBI (1-800-225-5324).

— Allen Police Department (@Allen_Police) May 7, 2023

મીડિયા રિપોર્ટ્સ અનુસાર એલન પ્રીમિયમ આઉટલેટ્સ ડલ્લાસની ઉત્તરે એક આઉટડોર મોલ છે. એક ન્યૂઝ એજન્સીએ એક પ્રત્યક્ષદર્શી ને ટાંકીને જણાવ્યું હતું કે, જોન્સ ચેમ્પ્સ સ્પોર્ટ્સ આઉટલેટ સ્ટોર પર તેની શિફ્ટ માટે વહેલો આવી ગયો હતો અને હજુ પણ તેની કારમાં બેઠો હતો. ત્યારબાદ 20 થી વધુ રાઉન્ડ ફાયરિંગનો અવાજ સંભળાયો. તેણે જોયું કે, લોકો દુકાનોમાંથી બહાર દોડી આવ્યા હતા. તેણે વધુમાં કહ્યું કે, એક અજાણી વ્યક્તિ તેની કાર તરફ દોડી ગઈ અને તેને દરવાજો ખોલવાનું કહ્યું અને પછી તે બંને ત્યાંથી ભાગી ગયા.

Nine victims were transported to local hospitals by Allen Fire Department. A multi-agency response helped secure the mall. There is no longer an active threat. A reunification point has been created on Chelsea Boulevard.

— Allen Police Department (@Allen_Police) May 6, 2023

શું કહ્યું પોલીસે ? 
એલન પોલીસ વિભાગે સત્તાવાર ટ્વિટર હેન્ડલ પર લોકોને ફાયરિંગ એરિયામાં જવાનું ટાળવાની સલાહ આપી છે. શેરિફ ઓફિસના પ્રવક્તાએ જણાવ્યું હતું કે, મોલમાં કેટલાક પીડિતો છે. જોકે તેમની સ્થિતિ જાણવા મળી નથી.

At 3:36 p.m. on Saturday, May 6, 2023, an Allen Police Department officer on an unrelated call heard gunshots at Allen Premium Outlets. The officer engaged the suspect and neutralized the threat. He then called for emergency personnel.

— Allen Police Department (@Allen_Police) May 6, 2023

મીડિયા સાથે વાત કરતા શહેરના પોલીસ વડા બ્રાયન હાર્વેએ કહ્યું કે, બંદૂકધારી એકલો હતો અને તેણે અચાનક ગોળીબાર શરૂ કરી દીધો. જોકે બાદમાં પોલીસ અધિકારીઓએ તેને ઠાર માર્યો હતો. ટીવી પર જોવા મળેલી તસવીરોમાં હિંસા ફાટી નીકળ્યા બાદ સેંકડો લોકો મોલમાંથી બહાર નીકળતા જોવા મળે છે. એક અહેવાલ મુજબ લોકો સેંકડો પોલીસ કર્મચારીઓની સુરક્ષામાં હાથ ઉંચા કરીને મોલમાંથી બહાર નીકળતા જોવા મળ્યા હતા.