વિશ્વપ્રથમ / ગંભીર બીમારીથી પીડાતા સાત વર્ષના દિવ્યાંગ બાળકે રચ્યો ઇતિહાસ! પિતા સાથે માઉન્ટ એવરેસ્ટ પર લહેરાવ્યો તિરંગો

• સાત વર્ષના દિવ્યાંગ બાળકે કર્યું મોટું સાહસ 
• કાલા પથ્થર શિખર સર કરીને રચ્યો ઇતિહાસ 
• આ ઉંમરે આ સિદ્ધિ મેળવનાર દુનિયાનો પહેલો બાળક 

દિવ્યાંગ બાળકે રચ્યો ઇતિહાસ 
સાત વર્ષના દિવ્યાંગ બાળકે માઉન્ટ એવરેસ્ટ સર કરીને ઈતિહાસ રચ્યો છે. પિતા સાથે કાલા પથ્થર શિખર પર પહોંચ્યા બાદ ત્યાં ત્રિરંગો લહેરાવ્યો છે. એવું કહેવામાં આવી રહ્યું છે કે આજ સુધી આ ઉંમરમાં કોઈ વિકલાંગ બાળકે આવું કામ કર્યું નથી. જેના સંદર્ભમાં એવો દાવો કરવામાં આવી રહ્યો છે કે આ દુનિયાનું પહેલું બાળક છે, જેણે આ કામ કર્યું છે.

ડાઉન સિન્ડ્રોમ નામની ગંભીર બીમારીથી પીડિત
આ બાળકનું નામ અવનીશ તિવારી છે જે ડાઉન સિન્ડ્રોમ નામની બીમારીથી પીડિત છે. અવનીશ તેના પિતા આદિત્ય તિવારી સાથે માઉન્ટ એવરેસ્ટ પર પહોંચ્યો હતો. પિતા-પુત્ર 5500 મીટરની ઉંચાઈ પર હાજર કાલા પથ્થર શિખર પર અને ત્રિરંગો લહેરાવ્યો હતો.

આ પિતા-પુત્ર 14 એપ્રિલે એવરેસ્ટની યાત્રાએ નીકળ્યા હતા. તેઓ 20 એપ્રિલે શિખર પર પહોંચ્યા હતા. તમને જણાવી દઈએ કે સાત વર્ષીય અવનીશ બાળપણથી જ ડાઉન સિન્ડ્રોમથી પીડિત છે. તેના પિતા આદિત્ય તિવારીએ તેને માતર આંગળી પકડીને ચાલતા જ નહીં પરંતુ તેના સપના પૂરા કરવાનું પણ શિખવાડ્યું હતું અને સાથે રહીને શરૂ કર્યું હતું.

#WATCH मध्य प्रदेश: इंदौर के डाउन सिंड्रोम से पीड़ित एक 7 वर्षीय लड़के ने अपने पिता के साथ कालापत्थर चोटी पर सफलतापूर्वक चढ़ाई की।

उसके पिता ने कहा, "हमारी यात्रा 13 अप्रैल को शुरू हुई और 23 अप्रैल को समाप्त हुई। हमें माउंट एवरेस्ट का अच्छा दृश्य मिला। (26.04) pic.twitter.com/6GVWS4C8s4

— ANI_HindiNews (@AHindinews) April 27, 2022

પડકારોથી ભરેલી ચડાઈ

આદિત્યએ કહ્યું કે તે અવનીશ દ્વારા સમાજને એક સંદેશ આપવા માંગે છે કે જો ડાઉન સિન્ડ્રોમ પીડિતને પણ યોગ્ય ઉછેર અને માર્ગદર્શન મળે તો તેઓ બધું કરી શકે છે. જ્યારે હું અવનીશને અન્ય સ્થળોએ ટ્રેકિંગ પર લઈ ગયો ત્યારે તેને મજા આવી અને અમે એવરેસ્ટ પર ચઢવાનું મન બનાવી લીધું. અવનીશની તબિયત પણ થોડી ખરાબ હતી અને હવામાન અને ચડાઈને લઈને આ સફર પડકારોથી ભરેલી હતી, તેથી મેં તેની સાથે માત્ર દવા જ નહીં પરંતુ દૂધ, ખોરાક અને નેબ્યુલાઈઝર મશીન પણ લીધા જેથી તેને કોઈ સમસ્યાનો સામનો કરવો ન પડે.

પહેલો આવો બાળક

આદિત્યએ જણાવ્યું કે અમે એવરેસ્ટ પર ચઢવા માગતા હતા, પરંતુ હવામાન પ્રતિકૂળ બન્યું અને અમારે કાલા પથ્થરથી જ પાછા ફરવાનું નક્કી કરવું પડ્યું. આદિત્યએ દાવો કર્યો છે કે અવનીશ પહેલો બાળક છે જે ડાઉન સિન્ડ્રોમથી પીડિત હોવા છતાં આ ઊંચાઈએ પહોંચ્યો છે. તમને જણાવી દઈએ કે ડાઉન સિન્ડ્રોમ એક આનુવંશિક રોગ છે. જેના કારણે શારીરિક અને માનસિક બીમારીઓ થાય છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aditya Tiwari (@lifewithavnish)

પુત્રને 2016માં દત્તક લેવામાં આવ્યો હતો
આદિત્ય તિવારી સોફ્ટવેર એન્જિનિયર છે. તેણે પાંચ વર્ષ પહેલા અવનીશને દત્તક લીધો હતો. આદિત્યના કહેવા પ્રમાણે, મેં જાન્યુઆરી 2016માં અવનીશને દત્તક લીધો હતો, ત્યારે હું 26 વર્ષનો હતો અને સિંગલ હતો. મારા પુત્રને ડાઉન સિન્ડ્રોમ છે. અગાઉ અમે જમ્મુ અને કાશ્મીરમાં ગુલમર્ગ અને પહેલગામની મુલાકાત લીધી છે, જે બંને સમુદ્ર સપાટીથી 2500 મીટરની ઊંચાઈ પર છે. અમે લદ્દાખ પણ જઈ આવ્યા છીએ.