આદેશ / ગુજરાતમાં 6400 TRB જવાનોને નોકરીમાંથી છૂટા કરાશે, ખાલી પડેલી જગ્યાઓની નવી ભરતી થશે

• રાજ્યના 9 હજારમાંથી 6400 TRB જવાનોને ક્રમશઃ ફરજમુક્ત કરવાનો આદેશ
• એક જ વ્યક્તિ લાંબા સમયથી TRB સભ્ય તરીકે કામ કરે તે યોગ્ય નથીઃ DGP
• ફરજમુક્ત થયેલા જવાનોને ફરીથી કામગીરીમાં ન લેવાનો પણ કરાયો આદેશ

 રાજ્યમાં ફરજ બજાવતા TRB  જવાનો મુદ્દે ગુજરાતનાં ડીજીપી દ્વારા મોટો નિર્ણય લેવામાં આવ્યો છે. જેમાં રાજ્યમાં ફરજ બજાવતા 9 હજાર TRB જવાનોમાંથીં 6400 TRB જવાનોને ક્રમશઃ ફરજ મુક્ત કરવાનો આદેશ કરવામાં આવ્યો છે.  3 વર્ષથી વધુ સમયથી એક જ જગ્યાએ ફરજ બજાવતા TRB જવાનોને ફરજ મુક્ત કરવાનો આદેશ કરવામાં આવ્યો છે. ત્યારે 10 વર્ષથી વધુથી કામગીરી કરતા TRB જવાનને 30 નવેમ્બર સુધીમાં ફરજ મુક્ત કરવાન આદેશ કરવામાં આવ્યો છો.

 6400 TRB જવાનોને ક્રમશઃ ફરજમુક્ત કરવાનો આદેશ
 જ્યારે 5 વર્ષથી કામગીરી કરતા TRB જવાનોને તા. 31 ડિસેમ્બર સુધીમાં ફરજ મુક્ત કરવાનો આદેશ કરાયો છે. જેથી 3000 જેટલા TRB જવાનોને ફરજ મુક્ત કરવામાં આવશે. તેમજ 3 વર્ષથી કામગીરી કરતા TRB જવાનને 31 માર્ચ 2024 સુધી ફરજ મુક્ત કરવાનો આદેશ રાજ્યનાં DGP દ્વારા કરવામાં આવ્યો છે. માર્ચ 2024 માં 2300 જેટલા TRB જવાનોને ફરજ મુક્ત કરવામાં આવશે. 

ફરજમુક્ત થયેલા જવાનોને ફરીથી કામગીરીમાં ન લેવાનો પણ કરાયો આદેશ
રાજ્યનાં DGP  દ્વારા એક જ વ્યક્તિ લાંબા સમયથી TRB સભ્ય તરીકે કામ કરે તે યોગ્ય નથી. તેમજ ફરજ મુક્ત થયેલ જવાનોને ફરીથી કામગીરીમાં ન લેવાનો પણ આદેશ કર્યો છે. ત્યારે ખાલી પડેલી જગ્યાઓ પર નવી ભરતી કરવાનો પણ DGP એ આદેશ કર્યો છે.