BIG BREAKING / જમ્મુ કાશ્મીરમાં 5.5ની તીવ્રતાનો મોટો ભૂકંપ, ડરના માર્યા લોકોમાં મચી નાસભાગ

• જમ્મુ-કાશ્મીર અને લદ્દાખમાં ભૂકંપના આંચકા અનુભવાયા 
• રિક્ટર સ્કેલ પર તેની તીવ્રતા 5.5 માપવામાં આવી 
• આ ભૂકંપ જમીનથી 10 કિલોમીટર નીચે આવ્યો હતો

સોમવારે જમ્મુ-કાશ્મીર અને લદ્દાખમાં ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 5.5 માપવામાં આવી છે. આ ભૂકંપ જમીનથી 10 કિલોમીટર નીચે આવ્યો હતો. નેશનલ સેન્ટર ફોર સિસ્મોલોજી અનુસાર, ભૂકંપનું કેન્દ્ર કારગીલમાં 10 કિલોમીટર ભૂગર્ભમાં હતું. તેના આંચકા કાશ્મીરમાં પણ અનુભવાયા હતા. આ પછી આફ્ટરશોક પણ અનુભવાયા હતા. લદ્દાખમાં સાંજે 4:01 વાગ્યે તેની તીવ્રતા 3.8 માપવામાં આવી હતી. આ પહેલા પાકિસ્તાનમાં સવારે 11.38 કલાકે 4.0ની તીવ્રતાનો ભૂકંપ આવ્યો હતો.

"Earthquake of Magnitude:5.5, Occurred on 18-12-2023, 15:48:53 IST, Lat: 33.41 & Long: 76.70, Depth: 10 Km ,Region:Kargil Ladakh,India," posts @NCS_Earthquake. pic.twitter.com/1EaR0u6KGf

— Press Trust of India (@PTI_News) December 18, 2023

ભૂકંપ વખતે શું કરવું?

નેશનલ ડિઝાસ્ટર મેનેજમેન્ટ ઓથોરિટી (NDMA) એ કહ્યું કે ભૂકંપ દરમિયાન ગભરાશો નહીં, શાંત રહો. ટેબલની નીચે છુપાઈ જાઓ અથવા તમારા માથાને ઢાંકી દો. આ સિવાય ધ્રુજારીના આંચકા આવતા જ તરત જ બહાર નીકળી જાઓ અને લિફ્ટનો ઉપયોગ ન કરો. બહાર આવ્યા પછી થાંભલાઓ, ઇમારતો અને વૃક્ષોથી દૂર રહો. NDMAએ ભૂકંપ બાદ ક્ષતિગ્રસ્ત ઈમારતોમાં ન જવા જણાવ્યું હતું. જો તમે કાટમાળમાં ફસાયેલા હોવ, તો તમારા મોંને કપડાથી ઢાંકી દો. આ સિવાય સીડીનો ઉપયોગ કરો. આ ઉપરાંત ભૂકંપની અસરથી બચવા માટે તમારા ઘરની દિવાલો અને છતની સમયાંતરે સમારકામ કરાવો અને ઇમરજન્સી કીટ તૈયાર રાખો.