સમર્થન / બાગેશ્વર સરકાર ધીરેન્દ્ર શાસ્ત્રીના સમર્થનમાં રસ્તા પર ઉતરશે 50 હજાર સાધુ-સંત, વિવાદો વચ્ચે આપી ચેતવણી

• બાગેશ્વર સરકાર ધીરેન્દ્ર શાસ્ત્રીને સાધુ-સંતનું સમર્થન
• તો રસ્તા પર ઉતરશે 50 હજાર સાધુ-સંત  
• સંગઠનની બેઠકમાં સંતોએ શાસ્ત્રીના સમર્થનમાં ઠરાવ પસાર કર્યો

પ્રખ્યાત બાગેશ્વર ધામના પીઠાધીશ ધીરેન્દ્ર કૃષ્ણ શાસ્ત્રીના સમર્થનમાં મધ્યપ્રદેશના સંત-પૂજારીઓનું સંગઠન સમર્થનમાં આવ્યું છે.  શનિવારે સંગઠનની બેઠકમાં સંતોએ શાસ્ત્રીના સમર્થનમાં ઠરાવ પસાર કર્યો હતો. તેમણે ચેતવણી આપી છે કે જો ધીરેન્દ્ર કૃષ્ણ શાસ્ત્રી વિરુદ્ધ કોઈ પણ પ્રકારનું ષડયંત્ર થશે તો તેમની વિરુદ્ધ 50 હજાર સાધુ-સંતો માર્ગો પર ઉતરી પ્રદર્શન કરશે.

શુ છે સમગ્ર મામલો

સમગ્ર મામલાની વાત કરીએ તો, બાગેશ્વર ધામના બાબા ધીરેન્દ્ર કૃષ્ણ શાસ્ત્રીને લઈ ખુબ જ હંગામો મચ્યો છે. તેમની પર લોકો અંધવિશ્વાસ ફેલાવવાનો આરોપ લગાવી રહ્યા છે. તે પણ કહેવામાં આવી રહ્યું છે કે તે લોકોની ભાવનાઓ સાથે રમી રહ્યા છે પણ ધીરેન્દ્ર કૃષ્ણ શાસ્ત્રી તેમની ઉપર લાગેલા એ આરોપોને ફગાવી રહ્યા છે.

સંસ્થાની બેઠકમા મુકાયો પ્રસ્તાવ 
ભોપાલમાં ગાંધી ભવનમાં તેના સ્થાપના દિવસની ઉજવણીનું આયોજન કરવામાં આવ્યું ત્યારે સંસ્થાની બેઠકમાં આ પ્રસ્તાવ મૂકવામાં આવ્યો હતો.  પ્રસ્તાવમાં કહેવામાં આવ્યું છે કે જો કોઈ સંસ્થા અથવા સમાજ પીઠાધીશ ધીરેન્દ્ર કૃષ્ણ શાસ્ત્રી પર આરોપ લગાવશે તો 50 હજાર સંતો તેના વિરોધમાં રસ્તા પર ઉતરશે.  સંત-પુજારી સંગઠનના પ્રદેશ પ્રમુખ નરેન્દ્ર દીક્ષિતે પત્રકારો સાથેની વાતચીતમાં જણાવ્યું કે અમે બાગેશ્વર ધામ સરકારને સમર્થન આપીએ છીએ અને તેમની પર લાગેલા આરોપોની સર્વસંમતિથી નિંદા કરીએ છીએ. 

બાગેશ્વર ધામ ધીરેન્દ્ર કૃષ્ણ શાસ્ત્રીને સમર્થન 

તેમણે વધુમાં જણાવ્યું હતું કે, જો કોઈ કોઈ વૈદિક ધર્માચાર્ય, કથાકારનું અપમાન અને નિંદા કરશે તો અમે તેને સહન નહીં કરીએ. અમે બાગેશ્વર ધામ સરકારના ધીરેન્દ્ર કૃષ્ણ શાસ્ત્રીને સમર્થન આપીએ છીએ.  જો તેમની સામે કોઈપણ પ્રકારનું ષડયંત્ર કે કાર્યવાહી કરવામાં આવશે તો સાધુ-સંત સમાજ રસ્તા પર ઉતરી વિરોધ કરશે.  સંત-પુજારી સંગઠનના પ્રદેશ પ્રમુખ દીક્ષિતે 18 માર્ચે સંગઠનની રેલી કાઢવાની જાહેરાત કરી હતી.  સંસ્થાના વડા પંડિત ચંદ્રશેખર તિવારીએ કહ્યું કે સનાતન ધર્મ અને હિન્દુ દેવી-દેવતાઓ વિરુદ્ધ સતત ટિપ્પણીઓ અને અપમાન કરવામાં આવી રહ્યા છે.