તમારા કામનું / પગારનો આવે એવો વપરાશ થઈ જાય છે? અપનાવો 50:30:20ના કારગર ફોર્મ્યુલા, બચતનો બેસ્ટ ઉપાય

• મોંઘવારી વચ્ચે આર્થિક રીતે ભવિષ્યને લઇને લોકો સતત ચિંતામાં
• સેવિંગ ફોર્મુલાનો ઉપયોગ કરી થઈ શકે છે બચત
• 50;30;20ના નામથી ઓળખાતી આ ફોર્મુલા શું છે?

સતત વધતી મોંઘવારીને કારણે સામાન્ય લોકોનું બજેટ ખોરવાય ગયું છે. એવામાં તેમના માટે ભવિષ્ય માટે બચત કરવાનું મુશ્કેલ બની ગયું છે. ખાસ કરીને આર્થિક રીતે પોતાના ભવિષ્યને લઇને તે સતત ચિંતામાં રહે છે. કારણ કે પગારનો મોટોભાગ ઘરખર્ચમાં વપરાય જાય છે અને બાકીના પૈસા બાળકોની સ્કૂલ ફી અને અન્ય જરૂરિયાતને પૂરી કરવામાં ખર્ચ થઇ રહ્યો છે. આવા સમયે તમે સેવિંગ ફોર્મુલાનો ઉપયોગ કરીને ભવિષ્યમાં બે પૈસા ભેગા કરી શકો છો. આ ફોર્મુલાને 50;30;20ના નામથી પણ ઓળખવામાં આવે છે. સરળ શબ્દોમાં કહીએ તો આ ફોર્મુલાની મદદથી કમાણીને ત્રણ ભાગમાં વેચવાની હોય છે. 

જો તમે નોકરી કરો છો તો તમારા ખાતામાં જેટલી સેલરી ક્રેડિટ થાય છે, તેના પર 50;30;20ના ફોર્મુલાને એપ્લાય કરી શકો છો. અને જો તમે બિઝનેસ કરો છો તો મહિને જેટલી કમાણી કરો છો તેના પર પણ આ ફોર્મુલા લાગુ કરી શકો છો. આ ફોર્મુલાની મદદથી તમે તમામ ઘરખર્ચ બાદ કરવા છતા મોટી રકમની બચત કરી શકો છો. 

શું છે આ ફોર્મુલા  ?

તમારો પગાર મહિને 40,000 છે અને તમે નક્કી નથી કરી શકતાં કે પૈસા કેવી રીતે બચાવવા ? તો સૌથી પહેલા 50;30;20 ફોર્મુલાને સમજીએ. 50 ટકા, 30 ટકા અને 20 ટકા. એટલે કે તમારી આવકને ત્રણ ભાગમાં વહેંચી દો. પહેલો 50 ટકા ભાગ જરૂરી ખર્ચ માટે રાખવો, જેમાં ખાવા, પીવા, રહેવા અને શિક્ષાના ખર્ચ સામેલ થાય છે.જો તમે ભાડાના મકાનમાં રહો છો તો દર મહિને ભાડું તથા હોમ લોન હોય તો તેનો હપ્તો પણ 50 ટકા ખર્ચમાં સામેલ કરવાનો રહેશે. સરળ શબ્દોમાં કહીએ તો તમારી આવકનો 50 ટકા ભાગ તમામ ખર્ચ માટે રાખવો. 

30 ટકા ખર્ચ ક્યાં કરવો ?

ફોર્મુલા અંતર્ગત આવકનો 30 ટકા ભાગ એવી વસ્તુઓ પર ખર્ચ કરવાનો જેમાં તમારા શોખ હોય. જેમાં હરવા, ફરવા, ફિલ્મો જોવી, કપડાં, ઇલેક્ટ્રોનિક્સ આઇટમ, કાર, બાઇક, સારવારનો ખર્ચ સામેલ છે. લાઇફસ્ટાઇલ સાથે જોડાયેલા ખર્ચ સામેલ છે. નિયય પ્રમાણે 40 હજાર રૂપિયાની મહિને આવક હોય તો અંદાજે 12 હજાર રૂપિયા આ ખર્ચ માટે રાખવી. 

20 ટકા ખર્ચ ક્યાં કરવો ?

તમારી 40 હજારની આવકમાં બાકી વધેલા 8 હજાર રૂપિયાનું રોકાણ કરવું. આ માટે તમે મ્યુચ્યુઅલ ફંડમાં દર મહિને SIP અને બોંડમાં લગાવી શકો છો. આવી રીતે તમે એક વર્ષમાં અંદાજે એક લાખ રૂપિયાની સેવિંગ કરી શકશો. જો તમે શરૂઆતમાં 20 ટકા ન બચાવી શકતાં હોવ તો એક લિસ્ટ બનાવો અને તેમાં લખો કે જે વસ્તુ તમારી જરૂરત માટે છે તેના પર જ ખર્ચ કરો, નકામા ખર્ચ ટાળો. જેમ કે તમને બહારનું ખાવાની ટેવ હોય તો તે બદલો, કપડાં  પાછળ ઓછો ખર્ચ કરી શકો છો.