- ગુજરાતમાં કોરોનાનો અજગર ભરડો
- 3 ગુજરાતી કલાકારો કોરોના પોઝિટિવ
ગુજરાતમાં બીજી લહેર જેવી સ્થિતિની શરૂઆત હાલ થઈ ચૂકી છે. ગુજરાત સરકારના અધિકારીઑથી માંડી ધારાસભ્યો અને ડોકટરો તેમજ પોલીસ ઉપરાંત બાળકો પણ કોરોનાના ભરડામાં આવી ચૂક્યા છે ત્યારે હવે ગુજરાતી ફિલ્મના કલાકારો પણ એક બાદ એક કોરોના કોરોના સંક્રમિત થઈ રહ્યા છે. ગુજરાતી એક્ટ્રેસ દીક્ષા જોશી, કલાકાર હેમાંગ દવે તેમજ મિત્ર ગઢવી કોરોનાના ચપેટામાં આવી ગયા છે.
એક્ટ્રેસ દીક્ષા જોશી
જાણીતા અખબાર ટાઇમ્સ ઓફ ઇન્ડિયાના રીપોર્ટ અનુસાર એક્ટ્રેસ દીક્ષા જોશી ઇન્સ્ટાગ્રામ હેન્ડલ પર કોરોના પોઝિટિવ હોવાની માહિતી આપતા કહ્યું છે કે હું અત્યારે કોવિડ પોઝીટીવ છું અને ડોક્ટરે મને મહેનત ન કરવાનું સૂચન કર્યું છે. દીક્ષા હાલ ઘરે હોમ કોરેન્ટાઈન છે. દીક્ષા જોશી એ ગુજરાતની એક ભારતીય અભિનેત્રી છે જે મુખ્યત્વે ગુજરાતી ફિલ્મ ઉદ્યોગમાં કામ કરે છે. તેણીએ 2017 માં ફિલ્મ શુભ આરંભ સાથે અભિનયની શરૂઆત કરી, ત્યારબાદ કરસનદાસ પે એન્ડ યુઝ, શરતો લાગૂ, ધૂંકી.
એક્ટર હેમાંગ દવે
ગુજરાતી એક્ટર હેમાંગ દવે પણ કોરોના પોઝિટિવ આવ્યા છે. હેમાંગે સોશિયલ મીડિયામાં પોસ્ટ મૂકી પોઝિટિવ હોવાની જાણકારી આપી હતી. તેમણે કહ્યું હતું કે 'મારો કોરોના રિપોર્ટ પોઝિટિવ છે. મહેરબાની કરીને સાવચેત રહો. છેલ્લાં બે-ત્રણ દિવસમાં મારા સંપર્કમાં આવનારા તમામ લોકો ટેસ્ટ કરાવે. એવા કોઈ લક્ષણો નથી, પરંતુ આ ઘણો જ ચેપી છે તેથી જ સાવેચત રહો.' હેમાંગ દવે ગુજરાત, ભારતના ભારતીય અભિનેતા અને ગાયક છે. તે ગુજરાતી ફિલ્મમાં કામ કરે છે. તે બે યાર, બસ એક ચાન્સ, રોમિયો અને રાધિકા અને તમ્બુરો જેવી ફિલ્મોનો ભાગ રહી ચૂક્યો છે. તેની 2018ની રિલીઝમાં આવુજ રેશે અને છૂટી જશે છક્કાનો સમાવેશ થાય છે. તેની આગામી ફિલ્મો બગડબિલ્લા અને પેટી પેક છે.
એક્ટર મિત્ર ગઢવી
આ ઉપરાંત 'છેલ્લો દિવસ' ફૅમ એક્ટર મિત્ર ગઢવી પણ કોરોનાની ઝપેટમાં આવી ગયા છે. મિત્ર ગઢવીએ સોશિય મીડિયા પર માહિતી આપતા કહ્યું હતું કે 'હેલ્લો, પહેલી જાન્યુઆરીએ મારો કોરોના રિપોર્ટ પોઝિટિવ આવ્યો છે. નવું વર્ષ, નવા પડકારો. મને લાગે છે કે મને તાવ, બેક પેઇન, ગળામાં દુખાવો અને મને ખ્યાલ નથી કે હળવા લક્ષણો છે કે નહીં, તો મહેરબાની કરીને તમે જાતે કંઈ પણ ધારી ન લેતા કે હું આમ કહેવા માગું છું. હાલમાં મારી તબિયત ઠીક છે અને હું આઇસોલેટેડ છું. મારા ડૉક્ટરે આપેલા તમામ પ્રોટોકોલનું પાલન કરું છું. મિત્ર ગઢવી ગુજરાતી મૂવી છેલ્લો દિવસ માં લોય તરીકે ખૂબ જાણીતા છે. તેણે બિજોય નામ્બિયાર પ્રોડક્શનની બોલિવૂડ ફિલ્મ ફટક સાથે તેની કારકિર્દીની શરૂઆત કરી હતી જે રિલીઝ નથી થઈ. તેણે ગુજરાતી ફિલ્મ બસ એક ચાન્સમાં મીટની ભૂમિકા ભજવી છે. તેઓ સોની ટીવી પર ક્રાઈમ પેટ્રોલમાં પણ જોઈ ચૂક્યો છે. તેમણે લિસન-વી નીડ ટુ ટોક નામનું નાટક લખ્યું અને દિગ્દર્શિત કર્યું છે. તેઓએ બે વિડિયો ગીતોમાં ગીતો લખ્યા છે.
ઉપરોક્ત ત્રણેય કલાકારોની તબિયત હાલ સારી છે. સતત તે સોશિયલ પ્લેટફોર્મ પર પોતાના સ્વાસ્થયની જાણકારી પણ આપી રહ્યા છે ત્યારે હવે લોકોએ ફરી માસ્ક અને સોશિયલ અંતર સાથે કોરોના નિયમો પાલવની ખાસ જરૂર વર્તાઇ છે.
