ક્રિકેટ / BCCI ના અધિકારીએ કહ્યુ કે, 'ઓક્ટોબરમાં T20 વર્લ્ડકપ થવો મુશ્કેલ લાગી રહ્યો છે'

BCCI અનુસાર, કોરોના વાયરસના પ્રભાવને કારણે ઓક્ટોબર અને નવેમ્બરમાં થનારા વર્લ્ડ કપ થવાનું સંભવ નથી. BCCI ના અધિકારી અનુસાર, ''આ ટૂર્નામેન્ટને લઇને ઘણા મુદ્દાઓ ધ્યાનમાં લેવામાં આવશે, પરંતુ જો સંભવ ત્યારે જ થશે જ્યારે સ્થિતિ સામાન્ય થશે.''

BCCI ના અધિકારીએ જણાવ્યુ કે,'' ઓક્ટોબરમાં T20 વર્લ્ડકપ થવાનો મુશ્કેલ લાગી રહ્યો છે, આ સમયમાં આટલા લોકોને ભેગા કરવાનું વિચારવું મુશ્કેલ છે. વિચારીને જુઓ કે, તમે પણ નથી જાણતા કે વિદેશમાં સફર કરવાનું હવે ક્યારે સુરક્ષિત થશે. કોઇ કહી રહ્યુ છે જૂન, તો કોઇ તેનાથી વધારે સમય કહી રહ્યુ છે. એક વખત મુસાફરી શરૂ થાય તે પછી તેના પ્રભાવ વિશે વધારી જાણી શકાશે.'' 

આ પછી અધિકારીએ ત્યાં પહોંચનારા લોકોને લઇને મુ્દ્દો ઉઠાવતા કહ્યુ કે, શું Icc અને ક્રિકેટ ઓસ્ટ્રેલિયા આ પ્રક્રિયામા શામેલ થનારી જિંદગીનો ગેરેન્ટી લેશે. સવાલ એ છે કે, CA અને ICC આટલા મોટા ટૂર્નામેન્ટની શામેલ થનારાની જવાબદારી લેશે? આ પછી વાત સરકાર પર આવે છે. શું ઓસ્ટ્રેલિયાની સરકાર આ જોખમ ઉઠાવવી શકશે? અન્ય દેશમાં જવા માટે સરકારે પોતાની ટીમને મંજૂરી આપશે? 

આ સાથે જ ICC બેઠક પછી ક્રિકેટ ઓસ્ટ્રેલિયાના મુખ્ય કાર્યકારી કેવિન રોબર્ટ્સને કહ્યુ કે, ''ક્રિકેટ ઓસ્ટ્રેલિયા ICC અને સ્થાનીય આયોજન સમિતિ અને ઓસ્ટ્રેલિયા સરકારની સાથે મળીને કામ કરી રહ્યુ છે, જેથી સમજી શકાય કે, T20 વર્લ્ડકપનું આયોજન કઇ રીતે કરવામાં આવશે.''

ઉલ્લેખનીય છે કે, કોરોના વાયરસને કારણે તમામ સ્પોર્ટ્સ ઇવેન્ટ જેવી કે ઑલિમ્પિક, IPL,ફૂટબૉલ લીગ, ટેનિસ સાથે જોડાયેલી ટૂર્નામેન્ટ્સ પર અસર થઇ છે. કેટલીક ઇવેન્ટ્સ સ્થગિત કરવામાં આવી છે અને તો કેટલીક રદ્દ કરવામાં આવી છે.