મહામારી / કોરોના આજનો નથી, 20,000 વર્ષ પહેલા પણ કેર વર્તાવી ચૂક્યો છે, વૈજ્ઞાનિકોને હાથ લાગ્યાં આ પુરાવા

• કોરોના વાયરસ પર વૈજ્ઞાનિકોનો મોટો દાવો
• વીસ હજાર વર્ષ પહેલા ચીન સહિત ઘણા દેશોમાં  ફેલાયો હતો કોરોના
• પૂર્વ એશિયાના લોકોના ડીએનએમાં કોરોના અવશેષો મળ્યા હતા
• ભવિષ્યની મહામારી અંગે મળી શકે છે જાણકારી, સારવારમાં પણ સહાયક બનશે

ઓસ્ટ્રેલિયના આ બન્ને વૈજ્ઞાનિકોએ જણાવ્યું કે દુનિયાભરમાં તબાહી મચાવનાર કોરોના વાયરસ 20,000 વર્ષ કરતા પણ પહેલા પૂર્વ એશિયામાં પ્રકોપ વર્તાવી ચૂક્યો છે. આ ખતરનાક વાયરસના અવશેષો આધુનિક ચીન, જાપાન અને વિએતનામના લોકોના ડીએનએમાં જોવામળ્યાં છે. તેમણે કહ્યું કે હાલના બાયોલિજીમાં પ્રસિદ્ધ અમારા રિસર્ચમાં આ વિસ્તારોમાં આધુનિક વસતીના 42 જીનમાં વાયરસના પરિવારના આનુવંશિક અનુકૂળના પુરાવા મળ્યાં છે. 

ઓસ્ટ્રેલિયાના વૈજ્ઞાનિકોનો દાવો છે કે અમારા પરિણામથી સ્પસ્ટ થયું છે કે ઐતિહાસિક વાયરલ પ્રકોપોના આનુવંશિક અવશેષોની જાણકારી મેળવી લેવાથી અમને ભવિષ્યના પ્રકોપની સારવારમાં મદદ મળી શકે છે. વૈશ્વિક મહામારી તો માનવ ઈતિહાસ જેટલી જુની પુરાણી છે. આપણે પહેલા પણ વૈશ્વિક મહામારીનો સામનો કર્યો છે.

પ્રાચીન કોરોના વાયરસના નિશાન મળ્યાં
વૈજ્ઞાનિકોએ જણાવ્યું કે અમે 26 દેશોના 2500 કરતા પણ વધારે લોકોના જીનોમમાં કમ્પ્યુટેશન વિશ્લેષણ કર્યું. અમને 42 અલગ અલગ જીનમાં અનુકૂળ પુરાવા મળ્યાં છે જે વીઆઈપી તરફ સંકેત આપે છે. આ વીઆઈપી સંકેત ફક્ત પાંચ સ્થળોની વસતીમાં જોવા મળ્યાં હતા અને આ તમામ સ્થળો પૂર્વ એશિયામાં આવેલા છે. 

આપણા પૂર્વજો પણ કોરોનાના સંપર્કમાં આવી ચૂક્યા છે

ઓસ્ટ્રેલિયાના વૈજ્ઞાનિકોના જણાવ્યાનુસાર, આધુનિક પૂર્વ એશિયાઈ દેશોના પૂર્વજો લગભગ 25,000 વર્ષ પહેલા કોરોના વાયરસના સંપર્કમાં આવી ચૂક્યા છે અને તે પછીના પરીક્ષણોથી જાણકારી મળી છે કે 42 વીઆઈપી મુખ્ય રીતે ફેફસામાં જોવા મળ્યાં છે જે કોરોોનાથી સૌથી વધારે પ્રભાવિત થાય છે. 

કોરોનાની સારવારમાં પણ મદદરુપ થશે
બીજા અલગ રિસર્ચથી એવું પણ જાણવા મળ્યું છે કે વીઆઈપી જીનમાં ઉત્પરિવર્તિત સાર્સ-સીઓવી-2 ની સંવેદનશીલતા અને તેના લક્ષણોની ગંભીરતામાં હસ્તક્ષેપ કરી શકે છે. તે ઉપરાંત ઘણા વીઆઈપી જીન હાલમાં કોરોનાની સારવાર માટે દવા તરીકે ઉપયોગમાં લેવાઈ રહ્યાં છે અથવા તો નિદાન પરીક્ષણનો હિસ્સો છે.