રાહત / આખરે યુટ્યુબર મનીષ કશ્યપને મળી મોટી રાહત! કોર્ટે જામીન અરજી કરી મંજૂર, પણ હજુ રહેવું પડશે જેલમાં, કેસ ચેતવતો

• તામિલનાડુના મદુરેની અદાલતે બિહારના યૂટ્યૂબર મનીષ કશ્યપને રાહત આપી
• મનીષ કશ્યપ હાલ પટનાના બેઉર જેલ
• તામિલનાડુના મદુરે જિલ્લામાં એફઆઈઆર

તામિલનાડુના મદુરેની અદાલતે બિહારના યૂટ્યૂબર મનીષ કશ્યપને રાહત આપી છે. કોર્ટ દ્વારા તેમની જામીન અરજી પર મંજૂરીની મહોર લગાવી દેવામાં આવી છે અને રાષ્ટ્રીય સુરક્ષા કાનૂનને પણ હટાવી લેવામાં આવ્યો છે. નોંધનિય છે કે મનીષ કશ્યપ પર પ્રવાસિઓનો ફર્જી વીડિયો શેર કરવાનો આરોપ છે. જે મામલે કેસ ચાલી જતા આજે મનીષને રાહત મળી છે. ખાસ વાત એ છે કે મનીષ કશ્યપ હાલ પટનાના બેઉર જેલમાં બંધ છે. તેના વિરૂદ્ધ કેટલાક અન્ય મામલા પણ દાખલ છે..જેથી હજુ તેનો જેલમાંથી છુટકારો થવાની વાત સંભવ નથી.. 

યૂટ્યૂબર મનીષ કશ્યપ પર તામિલનાડુમા બિહારના પ્રવાસી મજુરોની મારપીટનો ફર્જી વીડિયો વાઈરલ કરવાનો આરોપ લગાવ્યો છે. મનીષ કશ્યપ પોતાની યૂટ્યુબ ચેનલ ચલાવે છે.. જેમાં તે વીડિયો બનાવીને શેર કરે છે. સૌથી પહેલા તે બિહારના ગંગા નદી પર પુલ પડવાનો વીડિયો શેર કર્યો હતો જે ચર્ચામાં આવ્યો હતો.. આ પુલ પડવાથી નીતિશ સરકારની ઘણી બદનામી થઈ હતી.. 

તામિલનાડુના મદુરે જિલ્લામાં એફઆઈઆર
 મનીષ કશ્યપે તામિલનાડુમાં બિહારના મજુરોની પીટાઈનો વીડિયો શેર કરવા પર આરોપ લાગ્યો હતો કે આ ફર્જી વીડિયો છે. જેને તે પોતાની યુટ્યૂબ ચેનલ પર નાખીને હિંસા ફેલાવવા માંગતો હતો. જેને લઈને તેના પર તામિલનાડુના મદુરે જિલ્લામાં એફઆઈઆર નોંધાણી હતી.. સાથે સાથે તેના પર એનએસએ એટલે કે રાષ્ટ્રીય સુરક્ષા કાનુન પણ લગાવવામાં આવ્યો હતો..  

15 દિવસના રિમાન્ડ મંજુર
મનીષ કશ્યપની ધરપકડ કર્યા બાદ તમિલનાડુ પોલીસે તેને મદુરાઈ કોર્ટમાં રજૂ કર્યો હતો..  જ્યાંથી તેને પહેલા 15 દિવસના રિમાન્ડ પર  મોકલીને તેને જેલ હવાલે કરવામાં આવ્યો હતો. મનીષ કશ્યપએ મદુરાઈ સેન્ટ્રલ જેલમાં રાખવામાં આવ્યો હતો.મનીષ કશ્યપે NSA હટાવવા અને તેની સામે નોંધાયેલા કેસ માટે સુપ્રીમ કોર્ટમાં અરજી પણ દાખલ કરી હતી. પરંતુ મનીષ કશ્યપને કોઈ રાહત મળી ન હતી.