જયસવાલનો જાદુ / 46 ચોગ્ગા, 6 છગ્ગા, એક મેચમાં ઠોકયા 357 રન, રોહિત સાથે પ્રેક્ટિસમાં ઓપનિંગ, ટેસ્ટમાં ડેબ્યૂ પાક્કું

• ભારતીય ક્રિકેટ ટીમ દ્વારા વેસ્ટ ઇન્ડીઝ સામેની બે ટેસ્ટ મેચની સીરિઝની તૈયારી
• યશસ્વી જયશ્વાલે ધમાકેદાર બેટિંગ કરી
• યશસ્વીને વેસ્ટ ઇન્ડિઝ વિરુદ્ધ પ્રથમ ટેસ્ટ મેચમાં ડેબ્યુની મળી શકે છે તક

ભારતીય ક્રિકેટ ટીમ વેસ્ટ ઇન્ડીઝ સામેની બે ટેસ્ટ મેચની સીરિઝની તૈયારીને આખરી ઓપ આપી રહી છે. વિદેશ પ્રવાસ પર ગયેલી ટીમે પ્રેક્ટિસ મેચોમાં કેપ્ટન રોહિત શર્મા અને યુવા ઓપનર યશસ્વી જયશ્વાલે ધમાકેદાર બેટિંગ કરી બધાને ચોંકાવી દીધા હતા. આ સીરિઝ ભારત અને વેસ્ટઇંન્ડિઝ માટે ખુબ જ મહત્વની સાબીત થશે, કારણ કે ભારતના અનેક યુવા ક્રિકેટરો આ સીરિઝથી પોતાના ઇન્ટરનેશનલ ક્રિકેટમાં ડેબ્યુ કરી રહ્યાં છે. સૌથી વધુ બધાની નજર યશસ્વી જયશ્વાલ પર ટકેલી છે. 

Preps in Barbados done ✅#TeamIndia off to Dominica next to begin training for the 1st Test against West Indies 👌👌#WIvIND pic.twitter.com/Ky5HSQcxR6

— BCCI (@BCCI) July 7, 2023

12 જુલાઇએ પ્રથમ મેચ

ભારતીય ક્રિકેટ ટીમ પોતાના વેસ્ટઇન્ડિઝ પ્રવાસની શરૂઆત ટેસ્ટ મેચથી કરશે, જે 12 જુલાઇએ પ્રથમ મેચ છે. ભારતીય ટીમ હાલ બદલાવમાંથી પસાર થઇ રહી છે. જેમાં ટીમમાં કેટલાક નવા ચહેરાઓએ એન્ટ્રી કરી છે. ઘરેલુ ક્રિકેટમાં સારુ પ્રદર્શન કરનારા યશસ્વી જયશ્વાલ પ્રથમ ટેસ્ટમાં ડેબ્યુ કરશે તેવી સંભાવના વ્યક્ત કરવામાં આવી રહી છે. યશસ્વી જયશ્વાલે પોતાના નાના કરિયરમાં બધાને પ્રભાવિત કર્યા છે. ટીમ ઇન્ડિયાના અનુભવી બેટ્સમેન ચેતેશ્વર પુજારાની જગ્યાએ 21 વર્ષના યુવા ક્રિકેટરને તક મળી છે. પીટીઆઇના રિપોર્ટ પ્રમાણે કેપ્ટન રોહિત શર્મા અને કોચ રાહુલ દ્રવિડ યશસ્વીને વેસ્ટ ઇન્ડિઝ વિરુદ્ધ પ્રથમ ટેસ્ટ મેચમાં ડેબ્યુ કરવાની તક આપી શકે છે.

 ફર્સ્ટ ક્લાસ ક્રિકેટમાં શાનદાર પ્રદર્શન

યશસ્વી જયશ્વાલે ફર્સ્ટ ક્લાસ ક્રિકેટમાં શાનદાર પ્રદર્શન કરીને સિલેક્ટરોનું ધ્યાન ખેંચ્યું છે. રણજી ટ્રોફિમાં જોરદાર પ્રદર્શન કરનારા યશસ્વીએ ઇરાની ટ્રોફીમાં રેસ્ટ ઓફ ઇન્ડિયા તરફથી રમીને મધ્યપ્રદેશ વિરુદ્ધ પ્રથમ ઇનિંગ્સમાં બેવડી સદી ફટકારી હતી. ઇરાની ટ્રોફી 2022-23માં મધ્ય પ્રદેશ વિરુદ્ધ યશસ્વીએ પ્રથમ ઇનિંગ્સમાં 259 બોલ પર 30 ચોક્કા અને 3 છક્કાની મદદથી કુલ 213 રન બનાવ્યા હતા. એટલું જ નહીં બીજી ઇનિંગ્સમાં 157 બોલ પર 16 ચોક્કા અને 3 છક્કાની મદદથી 144 રન ફટકાર્યા હતા. આ મેચમાં યશસ્વીએ કુલ 46 ચોક્કા અને 6 છક્કાની મદદથી કુલ 357 રન બનાવ્યા હતા. યશસ્વી જયશ્વાલના કરિયરની વાત કરીએ તો 15 ફર્સ્ટક્લાસ મેચ રમીને 80.21ની રનરેટથી કુલ 1845 રન બનાવ્યા છે. આ દરમિયાન તેમનો સર્વશ્રેષ્ઠ સ્કોર 265 રનનો રહ્યો હતો.