World No Tobacco Day / દર્દનાકથી મોતથી બચવા માટે આજે જ છોડો તમાકૂ, ટેવથી છૂટકારા માટે અપનાવો આ ટિપ્સ

• વ્યક્તિ તણાવનો ભોગ બને છે
• તમાકુના કારણે બિમારીઓ સતત વધી રહી છે
• તમાકુ પરની નિર્ભરતા દૂર કરવા ઉપાય કરવા જરૂરી છે

 દરેક વ્યક્તિએ કોઈને કોઈ અલગ અલગ પ્રકારની સમસ્યાનો સામનો કરવો પડે છે, જેના કારણે વ્યક્તિ તણાવનો ભોગ બને છે. બિનઆરોગ્યપ્રદ બાબતોમાં સૌથી પહેલા ધૂમ્રપાન તથા અન્ય પ્રકારના તમાકુના ઉપયોગનો સમાવેશ થાય છે. તમાકુના કારણે બિમારીઓ સતત વધી રહી છે, જે ખૂબ જ જોખમી બાબત છે. તમાકુ પરની નિર્ભરતા દૂર કરવા માટે કેટલાક ઉપાયો કરવા જરૂરી છે. 

તણાવને સમજવા અને ચિંતાના સ્તરના પરિબળો ઓળખવા તે મહત્ત્વપૂર્ણ પગલું છે. ઘરેલુ સમસ્યા તથા કામનું પ્રેશર, સામાજિક તથા આર્થિક દબાણને કારણે ધૂમ્રપાનની આદત પડે છે. આ પ્રકારના પરિબળો ઓળખવાથી રણનીતિ વિકસિત થાય છે. આ તમામ બાબતોનું કોઈ નિવારણ નથી. સ્વસ્થ આહાર વિકલ્પો તથા યોગ્ય કસરત સાથે સંતુલિત જીવનશૈલી મહત્ત્વપૂર્ણ ભૂમિકા ભજવે છે. સ્ટડી પરથી જાણવા મળ્યું છે કે, 20-30 મિનિટ સુધી કસરત કરવા માટે શરીરમાં એન્ડોર્ફિન નામનું હોર્મોન રિલીઝ થાય છે, જેના કારણે મગજ અનેક કલાકો સુધી શાંત રહે છે. 

આ પ્રકારે તણાવ દૂર કરો
તણાવગ્રસ્ત વ્યક્તિએ અલગ અલગ પ્રકારના આકર્ષણથી દૂર રહેવું જોઈએ. ઓફિસમાં ધૂમ્રપાન કરવા માટે મિત્રોનું પ્રેશર એક મહત્ત્વપૂર્ણ પરિબળ તરીકે ભાગ ભજવે છે. તમાકુની સેવન કરવાની ઈચ્છા થાય તો એક ગ્લાસ પાણીનું સેવન કરવું. આ પ્રકારની ઈચ્છા ના થાય તે માટે તમારા રુચિના વિષયોને રૂટીનમાં શામેલ કરો, જે મદદરૂપ સાબિત થઈ શકે છે. બિનઆરોગ્યપ્રદ આદતો બદલવા માટે આ સૌથી કારગર ઉપાય છે. ઊંડા શ્વાસ લો, યોગ કરો, ધ્યાન ધરો- આ તમામ બાબતોથી મન શાંત રહે છે. પરિવાર, મિત્રો તથા સહયોગીઓ સાથે મળીને એક મજબૂત સમર્થન પ્રણાલી વિકસાવવી જરૂરી છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)