ઓટો / 60 વર્ષ જૂની કાર 430 કરોડમાં વેચાઈ, પણ ન તોડી શકી આ વિંટેજ કારની કિમંતનો રેકોર્ડ, બંને ગાડીના નામ જ કાફી છે

• દુનિયાની સૌથી મોંઘી બીજા નંબરની કાર
• Ferrari 250 GTO દુનિયાની સૌથી મોંઘી કારમાંની એક
• હરાજીમાં 51.7 મિલિયન ડોલરમાં વેચાઈ

જ્યારે તમે ઝડપી અને મોંઘી સ્પોર્ટ્સ કાર વિશે વાત કરો છો ત્યારે મોટાભાગના લોકોના મગજમાં પહેલું નામ આવે છે તે છે Ferrari. જો કે તમામ ફેરારી પણ ખાસ હોય છે, પરંતુ કેટલીક ફેરારી કાર દુર્લભ થઈ ગઈ છે. જેણે ઈતિહાસમાં એવા રેકોર્ડ બનાવ્યા છે જેને તોડવો ખૂબ જ મુશ્કેલ છે. આ જ પ્રકારનું મોડલ હવે હરાજીમાં 51.7 મિલિયન ડોલર એટલે કે 430 કરોડ રૂપિયાથી વધુમાં વેચવામાં આવ્યું છે. જે વિશ્વની સૌથી મોંઘી ફેરારી કાર બની ગઈ છે. આ 1962ની ફેરારી 250 જીટીઓ છે.

દુનિયાની સૌથી મોંઘી કાર ન બની શકી
હરાજી પહેલા એવી ધારણા હતી કે આ 60 વર્ષથી વધુ જૂની Ferrari 250 GTO દુનિયાની સૌથી મોંઘી કાર બની શકે છે. પરંતુ એવું થયું નહીં તે વિશ્વની બીજી સૌથી મોંઘી કાર બની ગઈ છે કારણ કે પ્રથમ સ્થાને મર્સિડીઝ 300 SLR Uhlenhaupt Coupe છે. જે હરાજીમાં 143 મિલિયન ડોલર એટલે કે રૂ. 1000 કરોડથી વધુમાં વેચાઈ હતી. નોંધનીય છે કે ફેરારી 250 જીટીઓ જેની હરાજી કરવામાં આવી હતી તેમાં મૂળ 4.0-લિટર V12 એન્જિન હતું. જો કે હવે હરાજીમાં તેને કોણે ખરીદ્યો છે તેની કોઈ માહિતી નથી. તેની હરાજી સોમવારે ન્યૂયોર્કમાં થઈ હતી.

શા માટે 1962 ફેરારી 250 જીટીઓ આટલું ખાસ છે?
તમને જણાવી દઈએ કે 1962માં આ કાર જર્મન Nürburgring Nordschleife સર્કિટ પર 1,000 કિમીની રેસમાં બીજા ક્રમે રહી હતી. તે જ વર્ષે લે મેન્સ 24 કલાકમાં પણ ભાગ લેવાનો હતો પરંતુ તે થઈ શક્યો નહીં. એન્જિન ફેલ થવાને કારણે ટીમને પીછેહઠ કરવી પડી હતી