ક્રિકેટ / વર્લ્ડ કપ 2023માં ટિકિટનું વેચાણ ક્યારે થશે શરૂ? ICCએ કરી દીધું જાહેર, જોઈ લેજો તારીખ અને મોકો ચૂકી ન જતાં

• 5 ઓક્ટોબરથી વર્લ્ડ કપ 2023 શરૂ થશે
• વર્લ્ડ કપની ટિકિટોનું વેચાણ અનેક તબક્કામાં થશે
• ટિકિટ મેળવવા માટે ચાહકોએ પહેલા નોંધણી કરાવવી પડશે

world cup 2023 : વર્લ્ડ કપ 2023 5 ઓક્ટોબરથી શરૂ થઈ રહી છે. પરંતુ આ ટુર્નામેન્ટની ટિકિટો ક્યારે વેચાવાની શરૂ થવાની છે તે જાણવા લોકો ખૂબ જ ઉત્સુક છે. હવે ક્રિકેટપ્રેમીઓની તે ઉત્સુકતાનો પણ અંત આવી ગયો છે.  ICC આ મહિનાની 25 તારીખથી ટિકિટોનું વેચાણ શરૂ કરી રહ્યું છે. ટિકિટ મેળવવા માટે ચાહકોએ પહેલા નોંધણી કરાવવી પડશે. નોંધણીની તારીખ 15મી ઓગસ્ટથી શરૂ થઈ રહી છે. ઇન્ટરનેશનલ ક્રિકેટ કાઉન્સિલ (ICC) દ્વારા પ્રસિદ્ધ કરવામાં આવેલી પ્રેસ રિલીઝમાં કહેવામાં આવ્યું છે કે, વર્લ્ડ કપની ટિકિટ માટે ક્રિકેટ પ્રેમીઓને ICC દ્વારા જારી કરવામાં આવેલી વેબસાઇટ પર રજીસ્ટ્રેશન કરાવવું પડશે. એક વિગતો મુજબ ક્રિકેટ ચાહકોને લગભગ 500થી 10,000 રૂપિયા સુધી ટિકિટ માટે ખર્ચવા પડશે

વર્લ્ડ કપની ટિકિટોનું વેચાણ અનેક તબક્કામાં થવાનું છે, જેની તારીખ આ પ્રમાણે છે

• 25 ઓગસ્ટ: વોર્મઅપ મેચો અને બાકીની મેચો (ભારતીય ટીમની મેચ સિવાય)
• 30 ઓગસ્ટ: ગુવાહાટી અને તિરુવનંતપુરમમાં ભારતીય ટીમની મેચ માટે
• 31 ઓગસ્ટ: રાજધાની દિલ્હી, ચેન્નાઈ અને પૂણેમાં ભારતીય ટીમની મેચ માટે
• 1 સપ્ટેમ્બર: મુંબઈ, ધર્મશાલા અને લખનૌમાં ભારતીય ટીમની મેચ માટે
• 2 સપ્ટેમ્બર: બેંગલુરુ અને કોલકાતામાં ભારતીય ટીમની મેચ માટે
• 3 સપ્ટેમ્બર: અમદાવાદમાં ભારતીય ટીમની મેચ માટે.
• સેમી ફાઈનલ અને ફાઈનલની ટિકિટ 15 સપ્ટેમ્બરના રોજ વેચાશે

5 ઓક્ટોબરથી વર્લ્ડ કપ 2023 શરૂ થશે
5 ઓક્ટોબરથી વર્લ્ડ કપ 2023 શરૂ થઈ રહી છે. આ ટૂર્નામેન્ટની પ્રથમ મેચમાં છેલ્લી વખત વિજેતા ઈંગ્લેન્ડ અને ઉપવિજેતા ન્યુઝીલેન્ડ આમને-સામને થશે. બંને ટીમો વચ્ચેની આ રોમાંચક મેચ અમદાવાદના નરેન્દ્ર મોદી સ્ટેડિયમમાં રમાશે.

એક દિવસ પહેલા થશે મેચ

• ભારત અને પાકિસ્તાનની વચ્ચેની મેચ 15 ઑક્ટોબરની જગ્યાએ 24 કલાક પહેલાં એટલે કે 14 ઑક્ટોબરનાં રોજ આયોજિત કરવામાં આવી છે. જો કે આ મેચનું સ્થળ બદલાયું નથી. 
• બીજી તરફ દિલ્હીમાં અફગાનિસ્તાનની સામે ઈંગ્લેંડની મેચ શનિવાર 14 ઑક્ટોબરથી બદલીને 15 ઑક્ટોબરનાં દિલ્હીનાં અરુણ જેટલી સ્ટેડિયમમાં ગોઠવવામાં આવી છે.
• હૈદ્રાબાદમાં શ્રીલંકાની સામે પાકિસ્તાનની મેચ ગુરુવારે 12 ઑક્ટોબરની જગ્યાઓએ 10 ઑક્ટોબરનાં રોજ આયોજિત કરવામાં આવી છે. 
• લખનઉમાં દક્ષિણ આફ્રીકા-ઑસ્ટ્રેલિયાની મેચ 13 ઑક્ટોબરની જગ્યાએ 12 ઑક્ટોબરનાં રમવામાં આવશે. જો કે આ તમામ મેચોનાં વેન્યૂમાં કોઈ ફેરફાર કરવામાં આવ્યો નથી.
• બાંગ્લાદેશની સામે ન્યૂઝીલેન્ડની મેચ મૂળરૂપે 14 ઑક્ટોબરનાં થવાની હતી તેની જગ્યાએ હવે 13 ઑક્ટોબરનાં ડે-નાઈટ મેચનાં રૂપે રમાશે.
• ઈંગ્લેંડ-બાંગ્લાદેશની વચ્ચેની મેચ 10 ઑક્ટોબરનાં જ રમાશે પરંતુ તે ડે મેચ રહેશે. સવારે 10.30 વાગ્યે શરૂ થશે.

લીગ ચરણનાં અંતની મેચોમાં ફેરફાર

• રવિવારે 12 નવેમ્બરનાં ડબલ-હેડર મેચોને 11 નવેમ્બરમાં સ્થળાંતરિત કરવામાં આવ્યું છે. તેવામાં પુણેમાં ઑસ્ટ્રેલિયાની સામે પાકિસ્તાનની મેચ સવારે 10.30 વાગ્યે અને કોલકત્તામાં ઈંગ્લેંડ સામે પાકિસ્તાનની મેચ બપોરે 2.00 વાગે 11 નવેમ્બરનાં રોજ રમવામાં આવશે.
• ભારત અને નેધરલેંડની મેચને 11ની જગ્યાએ 12 નવેમ્બરમાં શિફ્ટ કરવામાં આવ્યું છે.