ફિચર્સ / Facebook યુઝર્સ માટે કામના સમાચાર,1 ડિસેમ્બરથી પ્રોફાઇલમાં થઇ જશે અનેક ફેરફાર, જાણો શું

• 1 ડિસેમ્બરથી ફેસબુક તેના પ્લેટફોર્મ પર આ ફેરફાર કરશે 
• 1 ડિસેમ્બર પછી ફેસબુક પર નહીં દેખાય આ વસ્તુઓ

લોકપ્રિય સોશિયલ મીડિયા પ્લેટફોર્મ Facebook ટૂંક સમયમાં જ તેમાં ઘણો મોટો બદલાવ કરવા જઈ રહ્યું છે.  જણાવી દઈએ કે કંપની તેના યુઝર્સની પ્રોફાઇલમાંથી કેટલીક વસ્તુઓ દૂર કરવા જઈ રહી છે અને આ ફેરફાર 1 ડિસેમ્બરથી ફેસબુક તેના પ્લેટફોર્મ પર કરવા જઈ રહ્યું છે. ખાસ વાત એ છે કે ફેસબુકના આ બદલાવ પછી તમારી પ્રોફાઇલ પર અમુક વસ્તુઓ નહીં દેખાય. કઈ વસ્તુઓ નહીં દેખાય એ વિશે અમે તમને વિગતવાર માહિતી આપવા જઈ રહ્યા છીએ. 

1 ડિસેમ્બર પછી ફેસબુક પર આ વસ્તુઓ નહીં દેખાય 
તમારી જાણકારી માટે જણાવી દઈએ કે 1 ડિસેમ્બર પછી ફેસબુક પ્રોફાઇલ પર ઇન્ટરેસ્ટેડ ઇન, રિલીજીયન વ્યૂ, સરનામાં અને પોલિટિકલ વ્યૂ જેવી વસ્તુઓ જોવા નહીં મળે. હાલ ફેસબુક પર આ બધી મહત્વપૂર્ણ માહિતી પ્રોફાઇલ વિભાગ અને બાયોમાં જોવા મળે છે પણ 1 ડિસેમ્બર પછી આ માહિતી જોવા નહીં મળે. 

ફેસબુકમાં થવા જનાર આ ફેરવાર વિશે સૌથી પહેલા Matt Navarra (સોશિયલ મીડિયા કન્સલ્ટન્ટ) એ સ્પોટ કરીને કનવી હતી. એમને ટ્વિટ કરીને એક તસવીર પણ શેર કરી હતી જેમાં દરેકને આ ફેરફારો વિશે જણાવ્યુ હતું. એંડ દ્વારા કરવામાં આવેલ ટ્વીટમાં લખવામાં આવ્યું છે કે 1 ડિસેમ્બર, 2022થી ફેસબુક યૂઝરની પ્રોફાઇલમાંથી રિલીજીયસ વ્યૂ અને ઇન્ટરેસ્ટ જેવી બાબતોને દૂર કરવા જઈ રહ્યું છે.

કો કે આ ફેરફારોને લઈને કંપની દ્વારા કોઈ સત્તાવાર માહિતી આપવામાં આવી નથી. જો તમને યાદ હોય તો પહેલા ફેસબુકમાં લોકોની પસંદ, તેમના ધાર્મિક વિચારો, રસ અને રાજકીય વિચારો વિશે આખી કોલમ હતી અને પહેલા જ્યારે લોકો ફેસબુક પર તેમની પ્રોફાઇલ બનાવતા હતા ત્યારે તેમને આવી ઘણી કૉલમ ભરવામાં કલાકો લાગતા હતા પણ ધીમે ધીમે હવે ફેસબુક અપડેટ થઈ રહ્યું છે. 

જણાવી દઈએ કે મેટાના પ્રવક્તા એમિલ વાઝક્વેઝે જણાવ્યું હતું કે ફેસબુક માં નેવિગેટ કરવાનું સરળ બનાવવા માટે અમે કેટલાક પ્રોફાઈલ ફીલ્ડને હટાવી રહ્યા છીએ અને આ માટે અમે લોકોને નોટિફિકેશન મોકલવાનું પણ શરૂ કર્યું છે. જો કે મલ્ટી જાણકારી અનુસાર  મેટા કંપની છેલ્લા કેટલાક સમયથી નાણાકીય નુકસાનનો સામનો કરી રહી છે અને એ કારણે હાલમાં જ સમાચાર સામે આવ્યા હતા કે કંપનીએ 11,000 લોકોને બહારનો રસ્તો બતાવ્યો છે.