મહારાષ્ટ્ર / VIDEO : 'ઘરમાં રહેતો હોત તો'...બાળપણને યાદ કરતાં રડી પડ્યાં PM મોદી, દેશના સૌથી મોટા 'સમાજ'નું લોકાર્પણ

• મહારાષ્ટ્રના સોલાપુરમાં પીએમ આવાસોના લોકાર્પણમાં પીએમ મોદી રડી પડ્યાં
• જવાનીમાં આવા જ ઘરમાં રહેવાની ઈચ્છા હતી
• સોલાપુરમાં  દેશના સૌથી મોટા 'સમાજ'નું લોકાર્પણ કર્યું 

વારે-તહેવારે કે ભાષણમાં પીએમ મોદી ભાવુક થઈ જતા હોય છે અને રડી પડતા હોય છે. ફરી એક વાર પીએમ મોદીએ પોતાના ભાષણમાં રડતાં જોવા મળ્યાં હતા. PM મોદી આજે મહારાષ્ટ્રમાં વિશાળ હાઉસિંગ સોસાયટી પ્રોજેક્ટ વિશે વાત કરતાં ભાવુક થઈ ગયા હતા. પ્રધાનમંત્રીએ કહ્યું હતું કે, જવાનીમાં મારી પણ ઈચ્છા હતી કે હું પણ આવા ઘરમાં રહું. જ્યારે લોકોનાં સપનાં સાકાર થાય છે ત્યારે ખુશી મળે છે. તેમના આશીર્વાદ એ મારી સૌથી મોટી સંપત્તિ છે. આટલું બોલતાં પીએમ મોદી આંસુ રોકતા જોવા મળ્યાં હતા.

महाराष्ट्र में पीएम आवास योजना के अंतर्गत गरीबों के लिए बनी सबसे बड़ी सोसायटी के लोकार्पण की बात करते हुए अपने बचपन को याद कर भावुक हुए प्रधान सेवक श्री @narendramodi। pic.twitter.com/oo9Khn22Hy

— BJP (@BJP4India) January 19, 2024

ભગવાન રામના સિદ્ધાંતોથી ચાલી રહી છે અમારી સરકાર 
પીએમ મોદીએ કહ્યું હતું કે તેમની સરકાર ભગવાન રામના પ્રામાણિકતાવાળા શાસનના સિદ્ધાંતોથી પ્રેરિત છે, તેમણે લોકોને 22 જાન્યુઆરીએ રામ જ્યોતિ" પ્રગટાવવા વિનંતી કરી હતી.  સશક્તિકરણ માટે અમે નક્કી કરેલા તમામ લક્ષ્યોને પૂર્ણ કરી રહ્યા છીએ. મોદીની ગેરંટીનો અર્થ થાય છે 'ગેરંટી પુરી હોને કી ગેરંટી'. ભગવાન રામે અમને આપેલા વચનોનું સન્માન કરવાનું શીખવ્યું છે. 

22 જાન્યુઆરીએ અયોધ્યા ન જતાં, ઘેર જ દિવાળી મનાવજો
પીએમ મોદીએ જનતાને આગ્રહ કર્યો હતો કે તેઓ 22 જાન્યુઆરીએ અયોધ્યા ન જાય અને તેના બદલે પોતાના ઘરમાં દીવા પ્રગટાવીને દિવાળીની જેમ દિવસની ઉજવણી કરે. 

શું હતો કાર્યક્રમ 
પ્રધાનમંત્રીએ મહારાષ્ટ્રના સોલાપુરમાં પીએમએવાય-અર્બન હેઠળ પૂર્ણ થયેલા 90,000 આવાસો અને સોલાપુરમાં રાયનગર હાઉસિંગ સોસાયટીના 15,000 મકાનોનું લોકાર્પણ કર્યું હતું. તેમણે આ પ્રોજેક્ટને "પીએમ આવાસ યોજના હેઠળ બાંધવામાં આવેલો દેશનો સૌથી મોટો સમાજ" ગણાવ્યો હતો. સોલાપુર પ્રોજેક્ટના લાભાર્થીઓમાં હાથવણાટના હજારો કામદારો, વિક્રેતાઓ, પાવર લૂમ કામદારો, કચરો વીણનારા, બીડી કામદારો અને ડ્રાઇવરોનો સમાવેશ થતો હતો.