સ્પષ્ટતા / શું હવે ફરી 1000ની નોટ લાવશે RBI? ગવર્નરે કન્ફ્યુઝન દૂર કરવા આપી દીધું મોટું નિવેદન

• શું હવે ફરી 1000ની નોટ લાવશે RBI?
• ગવર્નરે કન્ફ્યુઝન કર્યું દૂર 
• જાણો શું કહ્યું RBIના ગવર્નરે

રિઝર્વ બેંકે 2000 રૂપિયાના નોટને પરત મંગાવી લીધી છે. 23 મે 2023થી તેને એક્સચેન્જ કરાવી શકાશે. આ વચ્ચે ચર્ચા ચાલી રહી છે કે શું રિઝર્વ બેંક એક વખત ફરીથી 1000 રૂપિયાની નોટ જાહેર કરશે? 

RBI ગવર્નર શક્તિકાંત દાસે કહ્યું કે 1000 રૂપિયાની નવી નોટ લાવવાનો હાલ કોઈ પ્રસ્તાન નથી. આ એક પ્રકારનો ઉપજાવી નાખેલો પ્રશ્ન છે. શક્તિકાંત દાશે કહ્યું કે હાલ તેના પર ચર્ચા ન થવી જોઈએ. તેમણે કહ્યું કે બજારમાં બીજા મુલ્યવર્ગની નોટો જરૂરી માત્રામાં છે. 

લીગલ ટેન્ડર બની રહેશે 2000ની નોટ 
RBIના ગવર્નરે કહ્યું કે 2000 રૂપિયાની નોટ પણ હાલ લીગલ ટેન્ડર બની રહેશે. 30 સપ્ટેમ્બર સુધી નોટ એક્સચેન્જ કરવાની તક છે. કોઈ પણ વ્યક્તિ દેશની કોઈ પણ બેંકની બ્રાન્ચમાં જઈને 20,000 રૂપિયાની મર્યાદા સુધીની 2000 રૂપિયાની નોટ બદલાવી શકે છે. 

જો કોઈ 2000 રૂપિયાની નોટ પોતાના ખાતામાં જમા કરાવે છે તો તેને ડિપોઝિટ સાથે જોડાયેલા દરેક નીયમોનું પાલન કરવાનું રહેશે. 2000 રૂપિયાની નોટ ગ્રામીણ વિસ્તારોના બિઝનેસ કોરેસ્પોન્ડેન્ટ સેન્ટર પર પણ બદલી શકાય છે. પરંતુ નોટ એક્સચેન્જની લિમિટ ઓછી છે.