ટેક / વ્હોટ્સએપ લાવ્યું શાનદાર ફીચર! હવે વોઈસ મેસેજ ગાયબ પણ થઈ જશે, નવી સિસ્ટમનું પહેલું ડગલું પાસ

• વૉટ્સએપ લાવી રહ્યું છે વધુ એક ફીચર
• વ્યૂ વન્સ ફીચર હવે વૉઈસ મેસેજ માટે પણ ઉપલબ્ધ
• યૂઝર્સ હવે વન વ્યૂમાં વૉઈસ મેસેજ મોકલી શકશે

Whatsapp હંમેશાથી જ યૂઝર એક્સપીરિયંસને વધારવા માટે નવા-નવા ફીચર્સ રોલઆઉટ કરતું રહ્યું છે. કંપનીએ 2021માં વ્યૂ વન્સ ફીચર લૉન્ચ કર્યું હતું જ્યાં ફોટો કે વીડિયો એકવખત જોયા બાદ ગાયબ થઈ જાય છે. એ સમયે એપે ગાયબ થનારા મેસેજ કે સેલ્ફ ડિસ્ટ્રક્ટિંગ મેસેજ પણ રિલીઝ કર્યાં હતાં. હવે આ જ પ્રકારની સુવિધા વૉયસ મેસેજમાં પણ આવી ગઈ છે.

ટૂંક સમયમાં લૉન્ચ થશે ફીચર
વૉઈસ મેસેજ માટે વ્યૂ વન્સ મોડ માત્ર સિલેક્ટેડ બીટા ટેસ્ટર્સ માટે જ ઉપલબ્ધ છે. તેથી જો તમે બીટા પ્રોગ્રામમાં નથી તો તમને અત્યારે આ ફીચરનો ઉપયોગ કરવા નહીં મળે. વૉટ્સએપ આ સુવિધાને ટૂંક જ સમયમાં તમામ યૂઝર્સ માટે રિલીઝ કરવાની યોજના બનાવી રહ્યું છે.

ડિસેપેયરિંગ વૉયસ મેસેજ
હવે વૉટ્સએપ આ પ્રકારની સુવિધા વૉયસ મેસેજ માટે પણ લઈને આવી રહ્યું છે. વૉટ્સએપે ડિસેપેયરિંગ વૉયસ મેસેજિસ ફીચરને એન્ડ્રોઈડ અને iOS પર બીટા ટેસ્ટર્સ માટે શરૂ કર્યું છે. આ નવો ફીચર વૉયસ મેસેજને એકવખત સાંભળવાની જ પરવાનગી આપે છે. આ બાદ વૉયસ મેસેજ ફરી સાંભળી શકાતું નથી.  રિસિવર આ ધ્વનિ સંદેશને સેવ પણ નહીં કરી શકે. નવો વૉટ્સએપ ફીચર હજુ અંડર ડેવેલોપમેન્ટમાં છે પણ હાલમાં એ કેટલાક ચોક્કસ બીટા ટેસ્ટર્સ માટે ઉપલબ્ધ છે.

આ રીતે યૂઝર ફીચરનું ટેસ્ટિંગ કરી શકશે
આ ફીચર હજુ ડેવેલોપ થઈ રહ્યું છે પરંતુ તમે તેને Google Play Storeથી Android 2.23.22.4 અપડેટ માટે વૉટ્સએપ બીટા અને TestFlight એપથી iOS 23.21.1.73 અપડેટ માટે વૉટ્સએપ બીટા ડાઉનલોડ કરીને ફીચર અજમાવી શકો છો.