લોકસભાના બ્યૂગલ / ભાજપનું મિશન 2024 ઓન: PM મોદીએ ભાજપના લાખો કાર્યકરોને આપી જીતની ટિપ્સ, વિપક્ષ ગોટાયું

• PM મોદીએ 2024ની ચૂંટણીને લઈને કર્યું સંબોધન
• દેશભરનાં ભાજપનાં કાર્યકરો સાથે વાતચીત
• દેશનાં મોટા વિષયોનો ઉલ્લેખ કરી ફેક્યું રાજકીય પાસું 

પ્રધાનમંત્રી નરેન્દ્ર મોદીએ મધ્યપ્રદેશનાં ભોપાલથી દેશભરનાં ભાજપ કાર્યકર્તાઓને સંબોધિત કરતાં આ વર્ષે પાંચ રાજ્યોમાં થનારી વિધાનસભાની ચૂંટણીઓની સાથે-સાથે 2024ની લોકસભા ચૂંટણીનો એજન્ડા પણ સેટ કર્યો છે. PM મોદીએ ભાજપનાં કાર્યકર્તાઓને માત્ર વિજયમંત્ર જ નથી આપ્યો પરંતુ ત્રિપલ તલાકને લઈને, પસંમાદા મુસ્લિમોનો મુદો ઉઠાવીને સમાન નાગરિક ધારાની દિશામાં આગળ વધવાનાં સંકેત પણ આપ્યાં છે.

યૂનિફોર્મ સિવિલ કોડ
ભાજપનાં 'મેરા બૂથ સબસે મજબૂત' અભિયાન કાર્યક્રમ દરમિયાન પાર્ટી કાર્યકર્તાઓ પોતાના પ્રશ્નો પૂછી રહ્યાં હતાં જેનો સીધો જવાબ PM મોદી આપી રહ્યાં હતાં. આ દરમિયાન યૂપીની રાની ચૌરસિયાએ PM મોદીથી યૂનિફોર્મ સિવિલ કોડ પર સવાલ પૂછ્યાં. જેનો જવાબ આપતાં PM મોદીએ કહ્યું કે વોટ બેંક માટે કેટલીક રાજનૈતિક પાર્ટીઓ ભારતીય મુસ્લિમોને UCCનાં નામે ભડકાવી રહી છે. તેમણે કહ્યું કે એક ઘરમાં એક સદસ્ય માટે એક કાયદો અને બીજા સદસ્ય માટે અલગ? આ બેવડી વ્યવસ્થા સાથે દેશ કેવી રીતે ચાલી શકશે? PM મોદીએ આ નિવેદન આપીને સ્પષ્ટ કર્યું કે તેમની સરકાર સમાન નાગરિક ધારાની દિશામાં પગલું ભરવા જઈ રહી છે.

પસમાંદા મુસ્લિમો
PM મોદીએ ફરી એકવાર પસમાંદા મુસ્લિમોને લઈને શિયા મુસ્લિમોનો ઉલ્લેખ કરતાં કહ્યું કે પસમાંદા મુસ્લિમોને કોઈપણ પ્રકારનો ફાયદો મળ્યો નથી, તેઓ વધુ મુશ્કેલીમાંથી પસાર થઈ રહ્યાં છે. પસમાંદા મુસ્લિમોનું શોષણ તેમનો જ એક વર્ગ કરી રહ્યો છે જેના લીધે તેમને સમકક્ષતાનો હક નથી મળ્યો. PM મોદીએ પસમાંદા મુસ્લિમોની જાતીઓનાં નામ ગણાવતાં કહ્યું કે આજે પણ આ મુસ્લિમ જાતીઓ ભેદભાવનો શિકાર છે. અમારી સરકાર 'સબકા સાથ સબકા વિકાસ'નાં એજન્ડાને લઈને ચાલે છે. 

અત્રે સ્પષ્ટ છે કે PM મોદી સતત પસમાંદા મુસ્લિમોને ટાર્ગેટ કરીને મુસ્લિમ સમુદાયને ભાજપ સાથે સાંકળવા પ્રયાસ કરી રહ્યાં છે જો કે મુસ્લિમોનું વોટિંગ પેટર્ન કંઈક અલગ છે. મુસ્લિમો એ જ પાર્ટી સાથે જાય છે જે ભાજપને હરાવતી નજરે પડે. તેવામાં PM મોદી પસમાંદા સમુદાયને ટાર્ગેટ કરીને થોડાઘણાં વોટ મેળવીને વિપક્ષી દળોને સ્ટ્રેટેજી બ્રેક કરી શકે છે.રાષ્ટ્રવાદી પસમાંદા મુસ્લિમનાં અધ્યક્ષ આતિફ રશીદે ટ્વીટ કરી કહ્યું કે' પસમાંદા સમુદાય પર 800થી પણ વધારે વર્ષોથી થઈ રહેલા માનસિક, આર્થિક, રાજનૈતિક શોષણ અને ભે    દભાવની સામે PM મોદીએ અવાજ ઊઠાવી અને તેમની સાથે રહેવાનું સાહસ કર્યું છે...'

ત્રિપલ તલાક
ત્રિપલ તલાકનો ઉલ્લેખ કરતાં PM મોદીએ મુસ્લિમ મહિલાઓને સંદેશો આપવાનો પ્રયાસ કર્યો હતો. તેમણે કહ્યું કે ત્રિપલ તલાકની વકીલાત કરનારા લોકો વોટબેંકનાં ભૂખ્યા છે અને મુસ્લિમ બહેન-દીકરીઓ સાથે અન્યાય કરી રહ્યાં છે. ત્રિપલ તલાકથી માત્ર દીકરીઓનું જ ઘર નથી તૂટતું પરંતુ છોકરીનો પરિવાર તબાહ થઈ જાય છે.