લાઇફસ્ટાઇલ / જો તમને છે વધારે માત્રામાં કોલ્ડ ડ્રિંક પીવાની આદત, તો સાવધાન! નહીં તો સપડાઇ જશો આ ગંભીર બિમારીમાં

• દરરોજ કોલ્ડ ડ્રિંક પીવાથી ગંભીર બિમારી થઈ શકે છે
• દરરોજ સોડા પીવાને કારણે ઈન્સ્યુલિન પર અસર થાય છે
• જેના કારણે શરીરમાં કેલ્શિયમની ઊણપ થવા લાગે છે

જો તમને દરરોજ કોલ્ડ ડ્રિંક પીવાની આદત હોય તો તેના કારણે ગંભીર બિમારી થઈ શકે છે. વધુ માત્રામાં કોલ્ડ ડ્રિંક પીવાને કારણે વજન વધી શકે છે. કોલ્ડ ડ્રિંકમાં હાઈ ફ્રુક્ટોઝ કોર્ન સીરપ અને અન્ય પ્રકારની શુગર હોય છે. જેના કારણે ટાઈપ 2 ડાયાબિટીસ થવાનું જોખમ રહે છે. શુગર વધુ માત્રામાં હોવાને કારણે ઈન્સ્યુલિન પર અસર થાય છે, જેના કારણે શુગર લેવલ વધી જાય છે. 

કોલ્ડ ડ્રિંકમાં એસિડ અને શુગરની માત્રા
સોડામાં એસિડ અને શુગર વધુ માત્રામાં હોય છે, જેના કારણે દાંત પર ગંભીર અસર થાય છે. એસિડના કારણે દાંતનું ઈનેમલ પણ ખરાબ થઈ શકે છે. ઉપરાંત દાંત ડેમેજ થઈ શકે છે અને સડો થાય છે. સોડાને કારણે મોઢામાં બેક્ટેરિયા વધી જાય છે, જેથી પેઢામાં સોજો આવે છે. સોડામાં ફોસ્ફોરિક એસિડની માત્રા વધુ હોય છે. જેના કારણે શરીરમાં કેલ્શિયમની ઊણપ થવા લાગે છે. વધુ માત્રામાં સોડાનું સેવન કરવાને કારણે હાડકાં નબળા પડવા લાગે છે. 

કોલ્ડ ડ્રિંકમાં શુગર વધુ હોવાને કારણે ઓસ્ટિપોરોસિસ થવાનું જોખમ રહે છે. જેના કારણે હાઈ બીપી, હ્રદયની બિમારી, મેદસ્વીતાનું જોખમ રહે છે. કોલ્ડ ડ્રિંકના કારણે લિવર અને પાચન સંબંધિત સમસ્યા થવાનું જોખમ રહે છે. કોલ્ડ ડ્રિંકમાં રહેલ શુગરને કારણે ફેટી લિવરનું જોખમ રહે છે, જેથી NAFLD બિમારી થવાનું જોખમ વધી જાય છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)