જીવનનો અર્ક / કેવો ગજબનો શોખ: ગીર સોમનાથના 94 વર્ષીય જવાન ડોસલી વસુબાને નથી ઓળખતા, તો તમે તમારી જાતને નથી ઓળખતા

• જીવનના નવ દાયકા છતાં 'મહાત્મા  ગાંધી' જેવું જીવન 
• 50 જેટલા પુસ્તકો લખ્યા ,સંસ્કાર ગીતો,રામાયણ સાર લખ્યા
• કાજ્લીના વસુબાનું જીવન યોગી જેવું.ચાર વાગ્યે ઉઠી જ જાય 

પુસ્તકો મનુષ્યના સાચા મિત્રો કહેવાય છે..જેનું વધારે વાંચન તે લખવામાં અને બોલવામાં બળિયો હોય છે .કારણ કે જ્ઞાન હંમેશા વાંચનથી જ મળે છે. વાંચન કરવાની કોઈ ઉમર હોતી નથી .જો મન મક્કમ અને શોખ હોય તો ગમે ત્યારે વાંચન અને લેખન કરી શકાય છે. ગીર સોમનાથ જિલ્લામાં એક એવા વૃદ્ધા છે જેમની ઉંમર 95 વર્ષ છે. જેમણે અત્યાર સુધી 50થી વધારે પુસ્તકો લખ્યા છે. અને અનેક ધાર્મિક ગ્રંથોનું વાંચન કર્યું છે..કોણ છે આ વૃદ્ધ મહિલા?. અને કેવો છે તેમનો આ અનોખો શોખ

પુસ્તકોને કંઈ એમ જ મનુષ્યના સાચા મિત્રો નથી કહેવાતા. પુસ્તકો તમારુ જ્ઞાન વધારે છે. શિક્ષિત બનાવે છે .અનેક મહાપુરુષોએ કહ્યું છે કે મિત્ર બનાવવા હોય તો પુસ્તકોને બનાવો  95 વર્ષના વસુબા ઝાલા. ઉંમર ભલે વધારે હોય પણ તેમનો જુસ્સો અને હિંમત એક યુવાનમાં હોય તેવો છે .કારણ કે વસુબાએ અત્યાર સુધી 50થી વધારે પુસ્તકો લખ્યા છે. પોતાની હાથે અલગ અલગ ધાર્મિક ગ્રંથોનું વાંચન કરી તેના સાર પોતાના હસ્તલેખિત પુસ્તકોમાં કંડાર્યો છે. 95 વર્ષની જૈફ વયે પણ વસુબા રોજ વહેલી સવારે ચાર વાગ્યે ઉઠી જાય છે...અને ઉઠતાની સાથે જ ધાર્મિક પ્રવૃત્તિઓમાં લાગી છે...મંદિરમાં દિવા-બત્તી અને સેવા પૂજા પછી ધાર્મિક પુસ્તકો વાંચવાના કામમાં લાગી જાય છે. જે વાંચ્યું હોય તેનો સાર એક ચોપડામાં ઉતારી લે છે...અને આ તેમનું રોજિંદું કામ થઈ ગયું છે...વસુબાએ અલગ અલગ ઋષિઓના નામ જે અત્યારની પેઢી ભૂલી ગઈ છે તે પોતાના પુસ્તકમાં ઉતાર્યા છે. આ સિવાય નદીઓ, મહાભારત, રામાયણનો સાર અને લોકગીતો તથા સંસ્કાર ગીતો પણ લખ્યા છે. 

કોઈ કામ અસંભવ નથી. તે વસુબાએ સાર્થક કરી બતાવ્યું છે. વસુબાને વાંચવાનો એટલો ગજબનો શોખ છે કે તેઓ કલાકોના કલાકો વાંચનમાં લગાવી દે છે. અને એકલું વાંચન પણ નહીં. વાંચનની સાથે લખવાનો પણ તેમનો શોખ ખુબ જ અલગ છે. તેથી તેમણે અનેક ચોપડાઓ ભરીને લખાણ કર્યું છે...વેરાવળ તાલુકાના કાજલી ગામે રહેતા વસુબા ઝાલાનો છેલ્લા 50 વર્ષથી ધાર્મિક પુસ્તકો સાથે લગાવ રહ્યો છે. માત્ર અગિયાર વર્ષના હતા ત્યારથી તેમણે લખવાની શરૂઆત કરી હતી. .આજે વસુબાનો ખુબ મોટો પરિવાર છે. પુત્રો પણ માતાના કામથી સંસ્કારીત થયા છે...અને પૌત્ર પણ દાદીના સંસ્કારોથી સંસ્કારીત થઈ પરિવારનું નામ રોશન કરી રહ્યા છે. વસુબાના પુત્ર સુરપાલસિંહ ઝાલાનું કહેવું છે કે મારી માતા વહેલી સવારે ચાર વાગ્યે ઉઠી જાય છે. મંદિરમાં પૂજા-સેવા કરે છે. સાંજે ધાર્મિક સિરિયલો જુવે છે અને પરિવારના સભ્યોને ધાર્મિક વાતોનું રસપાન કરાવે છે. 

આજની યુવા પેઢી મોબાઈલ અને ઈન્ટરનેટના જમાનામાં પુસ્તકોથી દૂર થઈ રહી છે..આપણી મૂળ સંસ્કૃતિની ભૂલી પશ્ચિમી સંસ્કૃતિને અપનાવી રહી છે..સારા કપડા પહેરવાથી વ્યક્તિ સારો દેખાતો નથી. તેના સંસ્કાર અને જ્ઞાનથી જ વ્યક્તિ મહાન બને છે. આજે ધાર્મિક જ્ઞાન ઓછું થવા લાગ્યું છે. પરંતુ વસુબા જેવા ઘણા લોકો છે જેમણે આપણી ભારતીય હિન્દુ સંસ્કૃતિને ધબકતી રાખી છે. વીટીવી વસુબાને વંદન કરે છે.