શ્વાસ અધ્ધર / VIDEO: અમરેલીમાં કપિરાજની માફક દીપડાએ એક છતથી બીજી છત પર કરી ઉછળકુદ, અંતે પુરાયો પાંજરે

• અમરેલીના ધારી ગીરના જીરા ગામમાં રહેણાક વિસ્તારમાં દીપડો ઘૂસ્યો 
• દીપડો ગામમાં આવતા સ્થાનિકોમાં ભયનો માહોલ
• દલખાણીયા વનવિભાગે ભારે જહેમત બાદ દીપડાને પાંજરે પૂર્યો

અમરેલીના ધારી ગીરના જીરા ગામમાં દીપડો દેખાતા સ્થાનિક લોકોમાં ફફડાટ ફેલાયો હતો. આ અંગેનો વિડીયો પણ વાયરલ થયો હતો. વાયરલ વિડીયોમાં દીપડો રહેણાક વિસ્તારમાં ઘૂસ્યો હોવાનું નાજરે પડી રહ્યું છે. એટલું જ નહી દીપડો એક મકાનની છત પરથી બીજા મકાનની છત પર કપીરાજની માફક ઉછળકુદ કરતો હોવાનું પણ દેખાયું હતું. આ અંગે ગ્રામજનોએ વનવિભાગને જાણ કરતાં દલખાણીયા વનવિભાગે ભારે જહેમત બાદ દીપડાને પાંજરે પૂર્યો હતો. 

ભારે જહેમત બાદ દીપડાને ટ્રેન્ગ્યુલાઇઝ કરીને પાંજરે પુરાયો
ગીરના જીરા ગામમાં દીપડાના આંટાફેરા અંગે દલખાણીયા વનવિભાગને જાણ કરાતા સ્ટાફ દોડી આવ્યો હતો. જયા ભારે જહેમત બાદ દીપડાને ટ્રેન્ગ્યુલાઇઝ કરીને પાંજરે પૂર્યો હતો. દીપડો પાંજરે પુરાયા બાદ ગ્રામજનોએ લીધો રાહતનો શ્વાસ લીધો હતો. મહત્વનું છે કે, અમરેલી પંથકમાં છાશવારે દીપડા સહિતના હિંસક પ્રાણીઓ દેખાતા હોવાથી સ્થાનિકોમાં ભયનો માહોલ જોવા મળી રહ્યો છે.