ઉટપટાંગ હરકત / VIDEO : દાંત વડે રિબિન કાપીને દુકાનનું ઉદ્ધાટન કર્યું પાકિસ્તાની મંત્રીએ, લોકો હસી હસીને ગાંડા થયા

• પાકિસ્તાની મંત્રી ફૈયાઝ ઉલ હસન ચોહાણની ઉટપટાંગ હરકત
• દાંત વડે રિબિન કાપીને દુકાનનું ઉદ્ધાટન કર્યું
• ઘટનાનો વીડિયો વાયરલ, લોકો હસી હસીને ગાંડા થયા
• લોકોએ પાકિસ્તાનની ખૂબ મજાક ઉડાવી 

પંજાબ પ્રાંતના જેલ મંત્રી અને સરકારના પ્રવક્તા હસન ચોહાણે એક દુકાનના ઉદ્ધાટન માટે કાતરથી નહીં પણ દાંતથી રિબિન કાપતા લોકો હસીને હસીને ગાંડા થયા હતા. 

કાતરથી નહીં દાંતથી રિબિન કાપી, લોકો હસી હસીને ગાંડા થયા 

દાંતથી રિબિન કાપી રહેલા પાકિસ્તાની મંત્રીનો વીડિયો વાયરલ થતા લોકોને ભારે મજા પડી હતી. દુનિયાભરના લોકોએ આ વીડિયોને ખુબ જોયો હતો અને પાકિસ્તાનની મજાક ઉડાવી હતી.  મીડિયા રિપોર્ટ અનુસાર મંત્રી હસન ચોહાણે લાહોરમાં એક ઈલેક્ટ્રોનિક્સની દુકાનનું ઉદ્ધાટન કરવા પહોંચ્યાં. દુકાન માલિકે ઉદ્ધાટન માટે રિબિન લગાવી રાખી હતી. દુકાનના એક કર્મચારીએ મંત્રીને રિબિન કાપવાની કાતર લાવી આપી પણ તેમણે તે ન લીધી તેને બદલે દાંતથી રિબિન કાપવા લાગ્યાં આ જોઈને લોકો હસવા લાગ્યા હતા. 

Me opening ketchup sachet with scissors right in front of me. pic.twitter.com/JVQ0Cbm9vq

— Naila Inayat (@nailainayat) September 2, 2021

ફયાઝનો વિવાદો સાથેનો જૂનો સંબંધ
ફયાઝ ઉલ હસન ચૌહાણ એ જ મંત્રી છે જેમણે 2019 માં હિન્દુઓ વિશે અપમાનજનક ટિપ્પણી કરી હતી. જે બાદ તેમણે તેમના માહિતી અને સંસ્કૃતિ મંત્રી પદ પરથી રાજીનામું આપવું પડ્યું હતું. બાદમાં ઈમરાન ખાનની પાકિસ્તાન તહરીક-એ-ઈન્સાફ પાર્ટીએ તેમને માફ કરી દીધા અને ફરીથી જેલ મંત્રી બનાવ્યા. 

મંત્રીના કયા નિવેદને 2019 માં હંગામો મચાવ્યો?
ફેબ્રુઆરી-માર્ચ 2019 માં ફયાઝ-ઉલ-હસન ચૌહાણે એક પત્રકાર પરિષદમાં હિન્દુ સમુદાયને 'ગૌમૂત્ર પીનાર' ગણાવ્યો હતો. આ પછી, ઇમરાન ખાન સહિત પાર્ટીના ઘણા નેતાઓ દ્વારા તેમની ટીકા કરવામાં આવી હતી અને તેમના રાજીનામાની પણ માગ ઉઠી હતી.

હિન્દુઓ પર વાંધાજનક ટિપ્પણી કરી હતી 
ફયાઝ ચૌહાણે કહ્યું હતું કે, 'અમે મુસ્લિમ છીએ અને અમારી પાસે ધ્વજ છે, ધ્વજ મૌલા અલીની બહાદુરી છે, ધ્વજ હઝરત ઉમરની બહાદુરી છે. તમે હિન્દુઓ પાસે આ ધ્વજ નથી, તે તમારા હાથમાં નથી. ' તેણે સોશિયલ મીડિયા પર વાયરલ વીડિયોમાં કહ્યું હતું કે, 'તમે અમારા કરતા સાત ગણા સારા છો એવા ભ્રમમાં ન રહો. અમારી પાસે જે છે તે તમારી પાસે નથી. જેઓ મૂર્તિની પૂજા કરે છે.