આરોપ / બાબા બાગેશ્વરનો ભાઈ વિવાદમાં: દલિત પરિવારને દેશી તમંચોના જોરે માર માર્યો, જુઓ VIDEO

• ધીરેન્દ્ર શાસ્ત્રીનાં ભાઈ  પર દલિત પરિવારને ધમકાવ્યાનો આરોપ
• નાના ભાઈએ દલિત પરિવાર સાથે કર્યો અભદ્ર વ્યવહાર
• રિવોલ્વર દેખાડી મારવાની આપી ધમકી

બાગેશ્વર ધામનાં પીઠાધીશ્વર પંડિત ધીરેન્દ્ર શાસ્ત્રીનાં નાના ભાઈ સૌરભ ગર્ગ ઊર્ફ શાલિગ્રામ પર એક દલિત પરિવારની સાથે ગાળો બોલ્યાંનો, મારીપટ કર્યાનો અને મારવાની ધમકી આપ્યા હોવાનો આરોપ લગાડવામાં આવ્યો છે. રિપોર્ટ અનુસાર બાબા બાગેશ્વરનાં ભાઈનો વીડિયો સામે આવ્યો છે જેમાં તે દલિત પરિવાર સાથે અભદ્ર ભાષાનો ઉપયોગ કરી રહ્યાં છે.

हाथ में पिस्टल,
होंठों पर सिगरेट

इन दिनों देशभर में धूम मचा रहे बाबा के छोटे भाई के गुंडागर्दी की जरा ये तस्वीर तो देखें,जिस बाबा पर करोड़ों भक्त बलिहारी हैं उन्हीं #बाबा_का_भाई बनी मनाई साख पर भट्टा बैठा रहा है!
दलित परिवार की शादी में गुंडागर्दी का ये वीडियो पिछले हफ्ते का है pic.twitter.com/qxw4qUHcvu

— Govind Gurjar (@Gurjarrrrr) February 19, 2023

રિવોલ્વર દેખાડીને દલિત પરિવારને આપી ધમકી
આરોપ છે કે સૌરભ ગર્ગ મોઢામાં સિગરેટ અને એક હાથમાં રિવોલ્વર લઈને પરિવારને ધમકાવી રહ્યો હતો. માહિતી અનુસાર જ્યારે આ ઘટના બની ત્યારે પરિવારમાં દીકરીનાં લગ્નનો પ્રસંગ હતો. સૌરભ ગર્ગે રિવોલ્વર દેખાડીને દલિત પરિવારનાં સદસ્યને મારી નાખવાની પણ ધમકી આપી હતી.  કોઈએ આ સમગ્ર ઘટનાનો વીડિયો લઈને સોશિયલ મીડિયા પર વાયરલ કરી દીધેલ છે.  માહિતી અનુસાર આ સમગ્ર ઘટના 11 ફેબ્રુઆરીની છે.

સમગ્ર ઘટના પાછળ છે આ કારણ
બાગેશ્વર ધામમાં મહાશિવરાત્રીનાં સામુહિક વિવાહ સમ્મેલન આયોજિત કરવામાં આવ્યો હતો જેમાં આશરે 121 ગરીબ છોકરીઓનાં લગ્ન કરાવવામાં આવ્યાં હતાં. માહિતી અનુસાર પીડિત દલીત પરિવારને પણ તેની દીકરીનાં લગ્ન બાગેશ્વર ધામમાં કરાવવા અંગે કહેવામાં આવ્યું હતું પરંતુ પરિવારે આ વાત પર ઈનકાર કર્યો હતો.  આ વાત પર જ સૌરભ ગર્ગને ગુસ્સો આવ્યો અને તે દલિત પરિવારનાં લગ્ન પ્રસંગમાં પહોંચીને ધમકાવા લાગ્યો.

કોણ છે આ સૌરભ ગર્ગ?
સૌરભ ગર્ગ પંડિત ધીરેન્દ્ર શાસ્ત્રીનો નાનો ભાઈ છે. તેઓ ઘણી વખત ધીરેન્દ્ર શાસ્ત્રી સાથે આયોજનો અને અનુષ્ઠાનોમાં નજરે આવે છે.