વાસ્તુ ટિપ્સ / બેડરૂમ અને કિચનમાં કરવામાં આવતી આ આદતોના લીધે ઘરમાં આવે છે કંગાળી, પરિવારમાં થાય છે ખોટા ઝઘડા

• આ ભૂલોને કારણે આર્થિક પરિસ્થિતિ નબળી પડે છે
• અજાણતા આપણી આદતોને કારણે નુકસાન થઈ જાય છે
• ઘરમાં કલેશ થાય છે

 દરેક વ્યક્તિમાં સારી અને ખરાબ બંને આદતો હોય છે. અનેક વાર એવું બને છે કે, અજાણતા આપણી આદતોને કારણે નુકસાન થઈ જાય છે. વાસ્તુ અનુસાર આ ભૂલોને કારણે આર્થિક પરિસ્થિતિ નબળી પડી જાય છે અને ઘરમાં કલેશ થાય છે. વાસ્તુશાસ્ત્રમાં આ નાની નાની બાબતોનું વિશેષ મહત્ત્વ રહેલું છે. વાસ્તુ અનુસાર અનેક એવી આદતો છે, જે ફરીથી ના કરવી જોઈએ. કિચન અને બેડરૂમ સાથે જોડાયેલ ભૂલને કારણે તમે કંગાળ બની શકો છો. સંબંધોમાં પણ મતભેદ ઊભો થઈ શકે છે. 

બેડરૂમની ખોટી આદત

• અનેક લોકો બેડરૂમમાં ડાઈનિંગ રૂમ તરીકે ઉપયોગ કરે છે. અનેક લોકો બેડ પર બેસીને જ ભોજન કરે છે. વાસ્તુશાસ્ત્ર અનુસાર બેડ પર બેસીને ભોજન કરવું તે ખોટી આદત છે. આ પ્રકારે કરવાથી માઁ લક્ષ્મી નારાજ થાય છે. ઉપરાંત ખરાબ બેડ પર સૂવાથી રાત્રે ખરાબ સપના આવે છે અને નાણાંકીય નુકસાન થાય છે. 
• અનેક બેડ પાસે ચા-કોફીના કપ મુકી દઈએ છીએ. બેડ પાસે અથવા બેડરૂમમાં એંઠા વાસણ ના રાખવા જોઈએ. નહીંતર તેના કારણે ગરીબી આવી શકે છે. સામાન્ય રીતે તેના કારણે ઘરમાં નકારાત્મક ઊર્જાનો સંચાર થાય છે. 
• વાસ્તુશાસ્ત્ર અનુસાર છાપા અથવા પુસ્તક સાથે જોડાયેલ કોઈપણ વસ્તુ તકિયા નીચે ના રાખવી. આ પ્રકારની વસ્તુઓ તકિયા નીચે રાખવાથી જીવનમાં નકારાત્મક ઊર્જાનો પ્રભાવ છે, જેથી જીવનમાં ક્યારેય પણ પ્રગતિ થતી નથી. 

રસોડાની ખરાબ આદતો

• વાસ્તુ શાસ્ત્ર અનુસાર કિચનમાં ભોજન ના કરવું જોઈએ. વાસ્તુશાસ્ત્ર અનુસાર આ પ્રકારે કરવાથી રસોડુ એંઠુ થઈ જાય છે અને માઁ લક્ષ્મી નારાજ થઈ જાય છે. આ કારણોસર રસોડાથી દૂર બેસીને ભોજન કરવું. 
• રસોડામાં એંઠા વાસણ રાખવાથી માઁ અન્નપૂર્ણા નારાજ થઈ જાય છે. આ કારણોસર સૂતા પહેલા રસોડું સાફ કરી દેવું અને એંઠા વાસણ સાફ કરી દેવા. જો તમે કોઈ કારણવશ રાત્રે વાસણ ધોઈ શકતા નથી, વાસણમાં પાણી નાખી દો. 
• વાસ્તુ શાસ્ત્ર અનુસાર રસોડામાં મંદિર ના હોવું જોઈએ. રસોડામાં તામસી ભોજન બનાવવું અને ત્યાં જ મંદિર રાખવાથી માઁ લક્ષ્મી નારાજ થઈ જાય છે. 
• વાસ્તુ શાસ્ત્ર અનુસાર રસોડામાં બાથરૂમ ના બનાવવું જોઈએ. રસોડામાં બાથરૂમ રાખવાથી વાસ્તુ દોષ ઉત્પન્ન થાય છે અને ઘરના લોકોને નાણાંકીય નુકસાન થાય છે.