તમારા કામનું / જુની કાર વેચવી છે પણ સારા પૈસા નથી મળી રહ્યા? અપનાવી લો આ ટ્રીક્સ, થશે જબરદસ્ત ફાયદો

• બેસ્ટ પ્રાઈઝ પર વેચો કાર 
• તમારી કારમાં આ વાતોનું રાખો ધ્યાન 
• અપનાવી લો ખાસ ટ્રિક્સ

માર્કેટમાં કંપનીઓ સતત કારો માટે નવા અને વધુ સારા મોડલ લોન્ચ કરતી રહે છે. તેનો હેતુ લોકોને સારા ફિચર, સારી ક્વોલિટી અને માઈલેજની સાથે સારી કાર પ્રોવાઈડ કરાવવાનો હોય છે. ત્યાં જ ગ્રાહક પણ નવી કારોને લેવા માંગે છે. પરંતુ જુની કારોના સારા ભાવ ન મળવાના કારણે અમુક લોકો જુની કાર વેચવાનું ટાળી દેતા હોય છે. 

લોકોને જો જુની કાર માટે ભાવ મળી જાય તો નવી કારનું સપનું પુરૂ થઈ શકે છે. એવામાં આવો જાણીએ કે કઈ વાતોનું ધ્યાન રાખીને જુની કારની સારી પ્રાઈઝ મેળવી શકાય છે. 

કારના દરેક કાગળીયા સાથે રાખો 
કોઈ પણ વાહન માટે તેના જરૂરી દસ્તાવેજ હોવા ખૂબ જ જરૂરી છે. તેના ન હોવા પર ચલણની રીતે ભારે રકમ પણ ભરવી પડી શકે છે. એવામાં કારોના પેપર વર્ક જેવા કે આરસી, ઈન્શ્યોરન્સ, પોલ્યુશન, પેન્ડિંગ ચલણ વગેરેને હંમેશા સાથે રાખો. આમ ન કરવાથી તમને મુશ્કેલી થશે અને કોઈ પણ સારો ગ્રાહક નહીં મળે, કારણ કે કોઈ પણ વગર કાગળે કારને ખરીદવા નહીં માંગે. આમ કરવા પર તેને બાદમાં કાર ખરીદવા માટે ખૂબ પૈસા ખર્ચ કરવા પડી શકે છે. એવામાં ગ્રાહક કાર નહીં ખરીદે અથવા ઓછા ભાવ આપશે. ત્યાં જ કાગળ જુના થવા પર કારના સારા ભાવ મળી શકે છે. 

ટેસ્ટ ડ્રાઈવની આપો ઓફર 
કોઈ પણ ગ્રાહક જુની અથવા સેકેન્ડ હેન્ડ કાર ખરીદ્યા પહેલા ઈચ્છશે કે તેની સારી સારી તપાસ કરી લે. એવામાં તમે જ ગ્રાહકને કારની ટેસ્ટ ડ્રાઈવ માટે કહો. તેનાથી ગ્રાહકને વિશ્વાસ વધશે, ગ્રહકને કારની ઓરિજીનલ કંડીશન વિશે જાણકારી મળી જશે. ગ્રાહકને ટેસ્ટ ડ્રાઈવ બાદ જો કાર પસંદ આવે છે તો તેને સારા ભાવ મળી શકે છે. 

સાફ-સફાઈનું રાખો ખાસ ધ્યાન 
કારની સાફ-સફાઈ ખૂબ જરૂરી છે. કોઈ પણ ગ્રાહક કારની અંદર બહારની સાફ સફાઈ જરૂર જોશે. કારનો ફર્સ્ટ લુક કોઈ પણ વ્યક્તિને પોતાની તરફ આકર્ષિત કરવા માટે પુરતો છે એવામાં કારની સીટ, મેટ્સ, દરવાજા અને કારની નીચે, બોનેટ, ડેકી વગેરેનું ખાસ ધ્યાન રાખો. આ જગ્યાઓ પર ધૂળ અને ગંદકી જમા થવાના વધુ ચાન્સ છે. 

સમય પર કરાવો કારની સર્વિસ 
કોઈ પણ ગ્રાહક કારને ખરીદ્યા પહેલા એ જરૂર જાણીલે કે કારની સર્વિસિંગ સમય પર  કરવી જોઈએ. એવામાં કારને સમય પહેલા સર્વિસિંગ કરાવતા રહો. સર્વિસિંગ બાદ તેના બિલ અને અન્ય દસ્તાવેજોને પણ સંભાળીને રાખો. જ્યારે પણ કોઈ ગ્રાહક કાર ખરીદવા માટે આવે તો તેમને સર્વિસિંગના પેપર જરૂર બતાઓ. આમ કરવાથી ગ્રાહકને કાર અને વિક્રેતા પર ભરોસો વધી જશે અને કારની સારી કિંમત મળશે.