VIDEO / પૃથ્વી શૉની વિકેટ પર ઉહાપોહ, થર્ડ એમ્પાયરના ફેંસલાં પર બબાલ, કેચથી ધમાલ

Delhi Capitals vs Gujarat Titans: આઇપીએલ 2024ની 40મી મેચમાં દિલ્હી કેપિટલ્સનો ઓપનર પૃથ્વી શો માત્ર 11 રન બનાવીને આઉટ થયો હતો. જોકે તેની વિકેટને લઈને વિવાદ થયો હતો. ચાહકોનો આરોપ છે કે ત્રીજા અમ્પાયરે પૃથ્વી શૉને ખોટી રીતે આઉટ આપ્યો હતો.

 

Woah 🔥🔥

Noor Ahmad holds on to a sharp catch in the deep as #DC lose both their openers!

Watch the match LIVE on @JioCinema and @StarSportsIndia 💻📱#TATAIPL | #DCvGT pic.twitter.com/8zmIDwCdf2

— IndianPremierLeague (@IPL) April 24, 2024

IPL 2024માં માત્ર શાનદાર ક્રિકેટ જોવા મળી રહ્યું છે એટલું જ નહીં તેની સાથે અમ્પાયરિંગ પર પણ સવાલો ઉઠી રહ્યા છે. આ સિઝનમાં ક્યારેક નો બોલ તો ક્યારેક વાઈડને લઈને ઘણા વિવાદો થયા છે અને હવે આ લિસ્ટમાં વધુ એક વિવાદ ઉમેરાયો છે. IPLની 40મી મેચમાં દિલ્હી કેપિટલ્સ અને ગુજરાત ટાઇટન્સ વચ્ચેની મેચમાં પૃથ્વી શોની વિકેટ પર હંગામો થયો હતો. દિલ્હીનો આ ઓપનર નૂર અહેમદના હાથે કેચ આઉટ થયો હતો પરંતુ આ કેચ પર જ વિવાદ ઊભો થયો છે.

શોની વિકેટ પર હંગામો

પૃથ્વી શૉ ચોથી ઓવરમાં સંદીપ વૉરિયરના બોલ પર 11 રન બનાવીને આઉટ થયો હતો. શૉ ડીપ સ્ક્વેર લેગ પર નૂર અહેમદના હાથે કેચ આઉટ થયો હતો. જ્યારે ગુજરાતના આ ખેલાડીએ શૉનો કેચ પકડ્યો ત્યારે એવું લાગતું હતું કે જાણે બોલનો જમીન સાથે સંપર્ક થઈ ગયો હોય. જ્યારે મેદાન પરના અમ્પાયરોએ ત્રીજા અમ્પાયરને પોતાનો નિર્ણય આપવા કહ્યું ત્યારે તેણે શૉને આઉટ આપ્યો. શો આ નિર્ણયથી ખૂબ જ આશ્ચર્યચકિત જોવા મળ્યો હતો. માત્ર શૉ જ નહીં દિલ્હી ટીમના ખેલાડીઓ અને તેના ચાહકો પણ આશ્ચર્યચકિત જોવા મળ્યા હતા.

વધુ વાંચો: મુંબઈની હાર બાદ હાર્દિક પંડ્યાની કરી તીખી આલોચના, આ ખેલાડીએ કહ્યું 'બકવાસ કરો રીપીટ'

થર્ડ અમ્પાયર પર સવાલ

શૉની વિકેટ પડ્યા બાદ ચાહકોએ થર્ડ અમ્પાયર સામે મોરચો ખોલ્યો હતો. ફેન્સ સોશિયલ મીડિયા પર તેના નિર્ણય પર સવાલ ઉઠાવતા જોવા મળ્યા હતા. શૉ આ મેચમાં સારા ફોર્મમાં દેખાઈ રહ્યો હતો પરંતુ આ નિર્ણયને કારણે તેને પેવેલિયન પરત ફરવું પડ્યું હતું. શૉની વિકેટ પણ દિલ્હી માટે એક ફટકો હતો કારણ કે બીજો ઓપનર જેક ફ્રેઝર મેગાર્ક પણ ચોથી ઓવરમાં આઉટ થઈ ગયો હતો. 
 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો