કાર્યવાહી / સીમા હૈદરની સ્ટોરીનો THE END: આ કાર્યવાહી કરવામાં આવે તેવી પ્રબળ શક્યતા, સેનાના જવાનોને મોકલતી હતી ફ્રેન્ડ રિક્વેસ્ટ

• સીમા હૈદરની સ્ટોરીનો THE END
• કાર્યવાહી કરવામાં આવે તેવી પ્રબળ શક્યતા
• સોનાના જવાનોને મોકલતી હતી ફ્રેન્ડ રિક્વેસ્ટ 

સીમા હૈદરની થોડા દિવસો પહેલા યુપી એટીએસ અને ઘણી કેન્દ્રની એજન્સીઓ પુછપરછ કરી રહી છે. આ પુછપરછ વખતે ATSને એક મહત્વની જાણકારી મળી છે. હવે તેની સ્ટોરી ખતમ થતા જોવા મળી રહી છે. આ વચ્ચે ઉત્તર પ્રદેશના સ્પેશિયલ એડીજી પ્રશાંત કુમારે નિવેદન આપ્યું છે કે સિમા હૈદરને પરત તેના દેશ પાકિસ્તાન મોકલવામાં આવશે. 

સીમાનો રાઝ જાણવા નેપાળ જશે ભારતની સ્પેશિયલ પોલીસ 
એડીજી પ્રશાંત કુમારે કહ્યું કે જલ્દી જ સીમાને તેમના દેશ મોકલવામાં આવશે. તેને લઈને કાયદાકીય કાર્યવાહી ચાલી રહી છે. જલ્દી જ અમારી એક ટીમ તપાસ કરવા નેપાળ જશે. તેના વિશે ત્યાં જઈને બધી ડિટેલ કાઢવામાં આવશે. 

તે કોની મદદથી ભારત આવી છે અને તેનો અસલી હેતુ શું છે. સીમાની સતત પુછપરછ કરવામાં આવી રહી છે. બધી એજન્સીઓ પોત-પોતાનું કામ કરી રહી છે. આ કેસ બન્ને દેશો સાથે જોડાયેલો છે. માટે તેમાં કોઈ બેદરકારી નહીં કરવામાં આવે. આ એક સીરિયસ કેસ છે. 

ભારતીય સેનાના જવાનોને ફ્રેન્ડ રિક્વેસ્ટ મોકલતી હતી સીમા 
જ્યારે આઈટી ટીમે સીમાના સોશિયલ મીડિયા એકાઉન્ટને તપાસ્યુ તો ચોંકાવનારી હકીકત સામે આવી. તેનાથી દિલ્હી NCR સહિત ઘણા ભારતના લોકો જોડાયેલા છે. જે તેની સાથે ચેટ કરતા હતા. તેની વચ્ચે જાણકારી મળી કે સીમા હૈદરે ભારતીય સેનાના અમુક જવાનોને ફ્રેન્ડ રિક્વેસ્ટ મોકલી હતી. 

તપાસ ટીમ તેની પાછળનો હેતુ વિશે જાણકારી મેળવી રહી છે. ત્યાં જ આ મામલા પર સીમા હૈદરે કહ્યું કે તેના નામથી નકલી પ્રોફાઈલ બનાવવામાં આવી છે. જોકે તપાસ એજન્સીઓ હવે તેને લઈને ગંભીર છે. હાલ એટીએસ દરેક એન્ગલથી તપાસ કરી રહી છે. એટીએસે નોએડા પોલીસ દ્વારા કરવામાં આવેલી તપાસ રિપોર્ટની કેસ ફાઈલની પણ તપાસ કરી છે.