કમોસમી કમઠાણ / આગામી બે દિવસ સાચવજો: ગુજરાતનાં આ વિસ્તારોમાં વરસાદની આગાહી, અમદાવાદમાં તાપમાન 40 ડિગ્રી

 

• રાજ્યમાં ગરમી વચ્ચે માવઠાની આગાહી
• આવતીકાલે પડી શકે માવઠું
• 26-27 એપ્રિલે કમોસમી વરસાદ રહેશે
• અમદાવાદમાં રહેશે 40 ડિગ્રી તાપમાન

ગુજરાતમાં છેલ્લા કેટલાક દિવસથી વિવિધ વિસ્તારોમાં છૂટાછવાયા વરસાદી ઝાપટાં પડી રહ્યા છે. ત્યારે હવામાન વિભાગ દ્વારા કાળઝાળ ગરમી વચ્ચે માવઠાની આગાહી કરવામાં આવી છે. હવામાન વિભાગે 26-27 એપ્રિલે કમોસમી વરસાદની આગાહી કરી છે. 

26 અને 27 એપ્રિલે અહીં ખાબકી શકે છે કમોસમી વરસાદ
હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સની અસરથી ગુજરાતમાં કમોસમી વરસાદની શક્યતાઓ છે. આવતીકાલથી કમોસમી વરસાદની આગાહી છે. દક્ષિણ ગુજરાત ઉત્તર ગુજરાત અને સૌરાષ્ટ્રમાં કમોમસી વરસાદની અસર વર્તાશે. રાજ્યના વિવિધ વિસ્તારોમાં ગાજવીજ સાથે કમોસમી વરસાદ પડી શકે છે. 26 અને 27 એપ્રિલે સૌરાષ્ટ્ર-કચ્છ, દક્ષિણ ગુજરાતમાં કમોસમી વરસાદ ખાબકી શકે છે. તો આ દરમિયાન અમદાવાદમાં 40 ડિગ્રી તાપમાન રહેશે. અન્ય વિસ્તારોમાં ગરમીનો પારો 40 ડિગ્રી રહેશે.

અંબાલાલ પટેલે પણ કરી છે આગાહી
ગુજરાતમાં કમોસમી વરસાદની હવામાન નિષ્ણાંત અંબાલાલ પટેલે આગાહી કરી છે. અંબાલાલ પટેલે કહ્યું કે, 27 એપ્રિલથી 3 મે વચ્ચે વરસાદની શક્યતા છે. આ દરમિયાન રાજ્યના કેટલાક વિસ્તારોમાં વીજળીના કડાકા ભડાકા સાથે કમોસમી વરસાદ ખાબકી શકે છે. 

27 એપ્રિલથી 3 મે વચ્ચે વરસાદની શક્યતાઃ અંબાલાલ
અંબાલાલ પટેલે પશ્ચિમ ગુજરાત, ઉત્તર ગુજરાત, દક્ષિણ ગુજરાત, સૌરાષ્ટ્રમાં વરસાદની આગાહી કરી  છે. તેમણે કહ્યું કે, ગુજરાતમાં  27 એપ્રિલથી 3 મે વચ્ચે વરસાદની શક્યતા છે.  આ દરમિયાન બનાસકાંઠા, મહેસાણા, સાબરકાંઠા, અરવલ્લી, વડોદરા, ખેડા, સુરત, ગીર સોમનાથ, જામનગર, પોરબંદર, રાજકોટ, કચ્છ, સુરેન્દ્રનગર, અમદાવાદમાં પણ ગાજવીજ સાથે વરસાદની શક્યતા છે. 

બંગાળના ઉપસાગરમાં ચક્રવાત સર્જાશેઃ અંબાલાલ
અંબાલાલ પટેલે કહ્યું કે, આ વખતે ગાજવીજ વધારે વરસાદ થશે. કરા પડવાની પણ શક્યતા છે.  2થી 8 મે વચ્ચે બંગાળના ઉપસાગરમાં ચક્રવાત સર્જાશે. 25 મેથી 10 જૂન અરબ સાગરમાં હવાનું હળવું દબાણ ઉભુ થશે. ઓમાન તરફ ફંટાશે તો સૌરાષ્ટ્ર કચ્છમાં વરસાદ થશે.