મોટુ નિવેદન / 'હું જય શાહ સાથે વાત કરીશ', IND-PAK મેચ પર અઠાવલેનું મોટું નિવેદન

• ભારત-પાકની મેચને લઈને કેન્દ્રીય મંત્રીનું મોટું નિવેદન 
• મેચને રદ કરવા કેન્દ્રીય મંત્રી રામદાસ અઠાવલેએ કરી માગ 
• ખેલાડીઓને પણ મેચ ન રમવા માટે આપી સલાહ 

ટી-20 વર્લ્ડકપમાં ભારત અને પાકિસ્તાન વચ્ચે 24 ઓક્ટોબરે મેચ થવાની છે. પરંતું આ મેચ પહેલાજ ભારતમાં તેનો વિરોધ થઈ રહ્યો છે. હવે કેન્દ્રીય મંત્રી રામદાસ અઠાવલેએ પણ આ મેચનો વિરોધ કર્યો છે. સાથેજ તેમણે કહ્યું છે કે પાકિસ્તાન સાથે મેચ રમવી તે ખરેખરમાં ખોટી વાત છે એટલે ન રમવી જોઈએ. 

મેચને રદ કરવા કરી માગ 

વધુમાં રામદાસ અઠાવલેએ કહ્યું કે ભારત અને પાકિસ્તાન વચ્ચે ટી-20 વર્લ્ડકપમાં જે મેચ થવાની છે તે મેચને રોકવી જોઈએ. ઉપરાંત તેમણે કહ્યું કે આપણા ખેલાડીઓને પણ પાકિસ્તાન સાથે રમવાની ના પાડી દેવી જોઈએ. 

જય શાહ સાથે કરશે વાત 

સમગ્ર મામલે રામદાસ અઠાવલેએ એવું પણ કહ્યું કે તેઓ આ મુદ્દે ગૃહમંત્રી અમિતશાહના પુત્ર તેમજ બીસીસીઆઈ સચિવ જય શાહ સાથે વાત કરશે. સાથેજ તેમણે ખેલ મંત્રી અમુરાગ ઠાકુરને પણ ચિઠ્ઠી લખીને વાત કરી છે. 

કાશ્મીરમાં થઈ રહેલી હિંસા મુદ્દે આપ્યું નિવેદન 

આપને જણાવી દઈએ કે કાશ્મીરમાં છેલ્લા કેટલાક સમયથી પાકિસ્તાની આતંકીઓની હલચલ વધી ગઈ છે. તેઓ નિર્દોષોને મોતને ઘાટ ઉતારી રહ્યા છે. જે લોકોની હત્યા થઈ છે તેમાથી અમુક લોકો બિહારના પણ રહેવાસી હતા. આતંકીઓ સાથેની અથડામણમાં ભારતના 6 જવાનો પણ શહિદ થયા છે. જેથી આ મેચને રદ કરવાની માગ ઉઠી રહી છે. 

5 વખત ભારતે પાકિસ્તાનને હરાવ્યું છે 

ઉલ્લેખનીય છે કે ભારત અને પાકિસ્તાન વચ્ચે રમાતી શ્રેણીતો છેલ્લા કેટલાય સમયથી બંધ કરી દેવામાં આવી છે. માત્ર ICC ઈવેન્ટમાં બંને આમને સામને આવતા હોય છે. ભારત અને પાકિસ્તાન વચ્ચે 24 ઓક્ટોબરે મેચ યોજાવાની છે. અગાઉ પણ ટી-20 વર્લ્ડ કપમાં 5 વખત ભારત પાકિસ્તાનની સામે જીતી ચુક્યું છે.