સુરત / બેકારીએ યુવકને બનાવ્યો ચોર! ફ્લેટની લોનનો માસિક હપ્તો ભરવા બાઈક ચોર્યું, એક ભૂલે પથારી ફેરવી

• બેકારીએ યુવકને બનાવ્યો ચોર!
• ખરાબ સંગતથી રત્નકલાકાર બન્યો બેકાર 
• બાઇક વેચવા જતા ક્રાઈમ બ્રાન્ચે ઝડપ્યો

 હીરા ઉદ્યોગમાં છેલ્લા ઘણા સમયથી મંદીનો માહોલ ચાલી રહ્યો છે. અને આ કારણે અનેક લોકોનો પગાર ઓછો થયો છે. તો અનેક લોકો બેરોજગાર બન્યા. તેવામાં બેરોજગાર બનેલા રત્નકલાકારો હવે ચોરીના રવાડે ચડવા માંડ્યા છે. આવો જ એક રત્નકલાકાર જે પોતાનાં ફ્લેટનાં હપ્તા ન ભરી શકતા બાઈક ચોરીનાં રવાડે ચડ્યો હતો. સુરતનાં અમરોલી વિસ્તારમાંથી બાઈકની ચોરી પણ કરી. પરંતું બાઈક વેચે તે પહેલા જ તેને સુરત ક્રાઈમ બ્રાન્ચે ઝડપી પાડ્યો હતો. 

પોલીસે બાતમીના આધારે ઝડપી પાડ્યો
પરંતું ઘણા સમયથી ખરાબ સંગતના કારણે બેકાર હતો. જેથી લોનના હપ્તા ભરી શકતો ન હોવાથી પાંચેક દિવસ પહેલા અમરોલી વિસ્તારમાં આવેલ વ્હાઈટ સ્ટોન એપાર્ટમેન્ટનાં પાર્કિંગમાંથી બાઈક ચોરી કરી હતી. જેની નંબર પ્લેટ કાઢી વેચવા માટે તે અમરોલી વિસ્તારમાં જ ફરતો હોવાની પોલીસને બાતમી મળી હતી. જેના આધારે પોલીસે તેને ઝડપી પાડ્યો છે. 

વધુ વાંચોઃ અમદાવાદ એરપોર્ટ પર દાણચોરીનું 5.5 કિલો સોનું જપ્ત, કેરળથી મળેલા એક ઈનપુટે શરીરમાંથી સોનું કાઢ્યું

ફ્લેટના હપ્તા ભરી શકતો ન હોવાના કારણે ચોરીના રવાડે ચડ્યો
આરોપી મનીષ હીરાને લેસર મારવાનું મજૂરી કામ કરતો હતો.  પરંતું હીરામાં મંદી હોવાના કારણે બેકાર હતો. આમ તે પોતાના ફ્લેટના હપ્તા ભરી શકતો ન હતો. જેથી તે ચોરીનાં રવાડે ચડ્યો હોવાનું પોલીસ સામે કબૂલ્યું છે. હાલ પોલીસે બેકારીના કારણે ચોર બનેલા રત્નકલાકારની ધરપકડ કરી સમગ્ર મામલે વધુ તપાસ હાથ ધરી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

https://whatsapp.com/channel/0029Va9Pzs50gcfLWGaYSv35