U-19 Asia Cup / IND vs PAK: પાકિસ્તાન સામે ટીમ ભારતની કારમી હાર, U-19 એશિયા કપમાં 8 વિકેટે હરાવ્યું

• અંડર -19 એશિયા કપની મેચમાં ભારતની શરમજનક હાર
• પાકિસ્તાને ભારતને 8 વિકેટે હરાવ્યું હતું
• ભારતે 50 ઓવરમાં 9 વિકેટે 259 રન બનાવ્યા હતા
• પાકિસ્તાને 47 ઓવરમાં માત્ર 2 વિકેટ ગુમાવીને ટાર્ગેટ પૂરો કર્યો

ભારતીય ટીમને રવિવારે દુબઈમાં રમાયેલી અંડર -19 એશિયા કપની મેચમાં પાકિસ્તાન સામે શરમજનક હારનો સામનો કરવો પડ્યો હતો. ભારતીય ટીમે નિર્ધારિત 50 ઓવરમાં 9 વિકેટે 259 રન બનાવ્યા હતા, જે બાદ પાકિસ્તાને 47 ઓવરમાં માત્ર 2 વિકેટ ગુમાવીને લક્ષ્યાંક હાંસલ કરી લીધો હતો. પાકિસ્તાનની આ જીતમાં અઝાન ઔવેસે મોટી ભૂમિકા ભજવી હતી. તેણે 105 રનની અણનમ ઇનિંગ રમી હતી.

 

What a moment for Azan Awais in the U19 Asia Cup against arch rivals India U19. Alhamdulillah 🇵🇰🇮🇳🔥 #U19AsiaCup pic.twitter.com/6669Iri1fs

— Farid Khan (@_FaridKhan) December 10, 2023

ભારતીય બોલરો અઝાન સામે લાચાર 

ભારતીય બોલરો અઝાન સામે લાચાર દેખાતા હતા. અજાન 3 નંબર પર બેટિંગ કરવા આવ્યો હતો અને ક્રિઝ પર સ્થિર થતો જણાતો હતો. તેણે 130 બોલમાં 105 રનની અણનમ ઇનિંગમાં 10 ચોગ્ગા ફટકાર્યા હતા. તેના સિવાય ઓપનર શાહજાબ ખાને 63 રનનું યોગદાન આપ્યું હતું. અઝાન અને શાહઝાબે બીજી વિકેટ માટે 110 રનની ભાગીદારી કરી હતી. કેપ્ટન સાદ બેગ 68 રન બનાવીને અણનમ પરત ફર્યો હતો. તેણે 51 બોલમાં 8 ફોર અને 1 સિક્સર ફટકારી હતી. સાદ અને અઝાને મળીને 125 રનની અણનમ ભાગીદારી કરી હતી.

What a sensational win for our Young Guns 🔥
Great batting by Azan Awais 👏👏
And again great bowling by Zeeshan.
Future is bright for Pakistan 🇵🇰 cricket 😍

ALHAMDULILLAH #U19AsiaCup #PAKvINDpic.twitter.com/bCFNPORDCu

— Bilal Rafiq Choudhry (@Bilalogy) December 10, 2023

ભારતે 7 બોલરોને અજમાવ્યા હતા

આ મેચમાં ભારતીય બોલરોએ નિરાશ કર્યા હતા. માત્ર મુરુગન અભિષેક 2 વિકેટ લઈ શક્યો હતો. ભારતના 7 બોલરોએ બોલિંગ કરી, પરંતુ કંઈ ખાસ કમાલ કરી શક્યા નહીં. મુશીર ખાને 4 ઓવરમાં 32 રન આપ્યા હતા. જ્યારે નમન તિવારીએ 8 ઓવરમાં 49 રન આપ્યા હતા. રાજ લિંબાણીએ 10 ઓવર નાખી અને 44 રન આપ્યા. તે એકપણ વિકેટ મેળવી શક્યો નહોતો.

Padosis will never forget Azan Awais 🇮🇳😉
Pakistan Zindabad 🇵🇰💚 #U19AsiaCup #PAKvIND pic.twitter.com/RLX8u4g4Co

— Farid Khan (@_FaridKhan) December 10, 2023

આદર્શ સિંહ, કેપ્ટન ઉદય સહારન અને સચિન દાસે બેટથી પોતાની તાકાત બતાવી

આ પહેલા ભારત માટે 18 વર્ષીય ઓપનર આદર્શ સિંહ, કેપ્ટન ઉદય સહારન અને સચિન દાસે બેટથી પોતાની તાકાત બતાવી હતી. આદર્શે તેની 81 બોલની ઇનિંગમાં 4 ચોગ્ગા અને 1 છગ્ગાની મદદથી 62 રન ઉમેર્યા. આદર્શે કેપ્ટન ઉદય સહારન (60) સાથે ત્રીજી વિકેટ માટે 93 રન જોડ્યા. ઉદયે 98 બોલનો સામનો કર્યો અને 5 ચોગ્ગાની મદદથી 60 રન ઉમેર્યા. ત્યારબાદ 7મા નંબરે આવેલા સચિન દાસે ઝડપથી રન બનાવ્યા અને 58 રનનું યોગદાન આપ્યું. સચિને ટીમ માટે સૌથી વધુ સિક્સ પણ ફટકારી હતી. સચિન દાસે 42 બોલમાં 2 ચોગ્ગા અને 3 છગ્ગા ફટકાર્યા હતા. ટીમ માટે માત્ર 5 બેટ્સમેન ડબલ ફિગરને સ્પર્શી શક્યા હતા. મોહમ્મદ ઝીશાને પાકિસ્તાન માટે પોતાની બોલિંગથી પ્રભાવિત કર્યા હતા. તેણે 10 ઓવરમાં 46 રન આપીને 4 વિકેટ ઝડપી હતી.