કોરોના વાયરસ / ડેલ્ટા વેરિએન્ટનો કહેર વધતા યુરોપીય એજન્સીએ કહ્યું, અમારી તમામ રસી કારગત

• ઈયુમાં અપ્રૂવ તમામ વાળી રસી ડેલ્ટા વેરિએન્ટની વિરુદ્ધ કારગત 
• આ સમયે 4 રસીથી રસીકરણ કરવામાં આવી રહ્યું છે
• રસીકરણમાં વુદ્ધ લોકોને પ્રાથમિકતા અપાઈ છે

ઈયુમાં અપ્રૂવ તમામ વાળી રસી ડેલ્ટા વેરિએન્ટની વિરુદ્ધ કારગત 

યુરોપીયન મેડિકલ એજન્સીએ કહ્યું કે યુરોપીયન યૂનિયન (ઈયુ)માં અપ્રૂવ તમામ 2 ડોઝ વાળી રસી કોરોનાના ડેલ્ટા વેરિએન્ટની વિરુદ્ધ કારગત છે. એજન્સીની રસી રણનીતિના પ્રમુખ માર્કો કેવેલરીએ કહ્યું રસીકરણ દરમિયાન મળેલા ડેટાથી ખબર પડે છે કે યુરોપિય યુનિયનમાં 2 ડોઝવાળી તમામ રસી ડેલ્ટા વેરિએન્ટથી સુરક્ષા આપે છે અને પૂરતી એન્ટી બોડી જનરેટ કરે છે.

 આ સમયે 4 રસીથી રસીકરણ કરવામાં આવી રહ્યું છે

તેમણે કહ્યું કે ડેલ્ટા વેરિએન્ટના વધતા મામલાને લઈને વધતી ચિંતાઓથી અમે અવગત છીએ. હકિકતમાં ઈએમએએ આ નિવેદન વિશ્વ સ્વાસ્થ્ય સંગઠનના  તે વક્તવ્ય બાદ આપ્યું છે જેમાં યુરોપમાં ડેલ્ટા વેરિએન્ટના પ્રસારને લઈને ચિંતા વ્યક્ત કરવામાં આવી હતી. યુરોપિયન યુનિયનમાં આ સમયે 4 રસીના માધ્યમથી રસીકરણ કરવામાં આવી રહ્યુ છે. આ રસી છે ફાઈઝર, મોર્ડના, એસ્ટ્રાજેનેકા અને જોનસન એન્ડ જોનસન.

રસીકરણમાં વુદ્ધ લોકોને પ્રાથમિકતા અપાઈ છે

EMA એ કહ્યું કે યુરોપમાં કહેરને ધ્યાનમાં રાખીને રસીકરણમાં  વુદ્ધ લોકોને પ્રાથમિકતા આપવામાં આવી છે. એજન્સીએ તમામ રસી નિર્માતા કંપનીઓને કહ્યું છે કે કોરોનાના નવા વેરિએન્ટની વિરુદ્ધ પોતાની રસીની અસર પર સ્ટડી કરે. તમામ સ્ટડીનું મૂલ્યાંકન EMA દ્વારા કરવામાં આવશે.

રસીનું મિક્સિંગ હાલ  નહીં

રસી મિક્સિંગને લીને એજન્સીએ કહ્યું કે આનાથી સારા પરિણામ જોવા મળી રહ્યા છે. પરંતુ વર્તમાનની સ્થિતિમાં રણનીતિમાં કોઈ ફેરફાર ન કરી શકાય.

ઉલ્લેખનીય  છે કે હાલમાં જ યુરોપિયન સેન્ટર ફોર ડિસીઝ પ્રિવેન્શન એન્ડ કન્ટ્રોલે કહ્યું કે ડેલ્ટા વેરિએન્ટનો ખરાબ પ્રસાર થઈ શકે છે. ખાસ કરીને એ યુવાનોમાં જેમણે વેક્સિન નથી લીધી. એજન્સીએ કહ્યું કે નવા ડેલ્ટા વેરિએન્ટ વધારે સંક્રમક છે.