ક્રિકેટ / વર્લ્ડ કપમાં ખરા ટાણે ટ્રેન્ટ બોલ્ટનો બે મહારેકોર્ડ, ઈન્ટરનેશનલ ક્રિકેટમાં પણ વધાર્યો દબદબો, ન્યૂઝીલેન્ડ ફરી ફોર્મમાં

• ન્યૂઝીલેન્ડનાં સ્ટાર બોલર ટ્રેંટે બનાવ્યો રેકોર્ડ
• શ્રીલંકાની સામે ચાલી રહેલી મેચમાં રચ્યો ઈતિહાસ
• વર્લ્ડકપમાં 50 વિકેટ લેનારા ન્યૂઝીલેન્ડનાં પહેલા બોલર બન્યાં

ન્યૂઝીલેન્ડનાં સ્ટાર ખેલાડી ટ્રેંટ બોલ્ટે વર્લ્ડકપમાં ઈતિહાસ રચ્યો છે. શ્રીલંકાની સામે ગુરુવારે બેંગલૂરુનાં ચિન્નાસ્વામી સ્ટેડિયમમાં મેચ દરમિયાન ફાસ્ટ બોલર ટ્રેંટ બોલ્ટે વનડે વર્લ્ડકપનાં ઈતિહાસમાં 50 વિકેટ પૂર્ણ કરનારા ન્યૂઝીલેન્ડનાં પહેલા ફાસ્ટ બોલરનો રેકોર્ડ બનાવ્યો છે. ટ્રેંટ આ સાથે જ વર્લ્ડ ક્રિકેટનાં દિગ્ગજ બોલર્સની લિસ્ટમાં સામેલ થઈ ગયાં છે. 

Trent Boult and Mitchell Starc among great company. pic.twitter.com/18AsJmA8oL

— CricTracker (@Cricketracker) November 9, 2023

ઈતિહાસ રચ્યો
શ્રીલંકાની સામે મેચ દરમિયાન ફાસ્ટ બોલર ટ્રેંટે કુસલ મેંડિસને આઉટ કરતાની સાથે જ આ મહારેકોર્ડ બનાવ્યો હતો. ન્યૂઝીલેન્ડનાં આ ખેલાડી વર્લ્ડકપ ઈતિહાસમાં 50 વિકેટ લેનારા છઠ્ઠાં અને ન્યૂઝીલેન્ડનાં પહેલા બોલર બની ગયાં છે.

છ દિગ્ગજ બોલર્સની લિસ્ટ
1. ગ્લેન મેકગ્રા (ઓસ્ટ્રેલિયા) - 71
2. મુથૈયા મુરલીધરન (શ્રીલંકા) - 68
3. મિશેલ સ્ટાર્ક (ઓસ્ટ્રેલિયા) - 59
4. લસિથ મલિંગા (શ્રીલંકા) - 56
5. વસીમ અકરમ (પાકિસ્તાન) - 55
6. ટ્રેંટ બોલ્ટ (ન્યૂઝીલેન્ડ) - 52  

ઈન્ટરનેશનલ ક્રિકેટમાં 600 વિકેટ પૂર્ણ કર્યાં
ન્યૂઝીલેન્ડનાં આ સ્ટાર ખેલાડીએ ઈંટરનેશનલ ક્રિકેટમાં પોતાનાં 600 વિકેટ પૂર્ણ કર્યાનો રેકોર્ડ બનાવ્યો છે. ઈંટરનેશનલ ક્રિકેટમાં 600 વિકેટ પૂર્ણ કરનારા ટ્રેંટ ન્યૂઝીલેન્ડનાં ત્રીજા બોલર બન્યાં છે. તેમની પહેલાં ડેનિયલ વિટોરી અને ટીમ સાઉદીએ આ રેકોર્ડ બનાવ્યો હતો.