BIG NEWS / IPS મનોજ અગ્રવાલની બદલી, કેતકી વ્યાસના પતિ સહિત 3 Dy.spનું પણ ટ્રાન્સફર, 2 IPSને વધારાનો હવાલો સોંપાયો, જુઓ લિસ્ટ

• IPS અધિકારીઓની બદલી તેમજ ચાર્જ સોંપણી કરાઈ
• આર.બી.બ્રહ્મભટ્ટ અને ડૉ.એસ.પી.રાજકુમારને ચાર્જ સોંપાયા
• IPS મનોજ અગ્રવાલની જૂનાગઢ તાલીમ કેન્દ્રથી બદલી કરાઈ

gandhinagar news : રાજ્યમાં IPS અધિકારીઓને બદલી, બઢતીની મોસમ યથાવત હોય તેવું જણાઈ રહ્યું છે. આઈપીએસ મનોજ અગ્રવાલની બદલી કરાઈ છે, એસ.આર.પી ટ્રેનિંગ જૂનાગઢથી ડિરેક્ટર સિવિલ ડિફેન્સ અમદાવાદ ખાતે બદલી કરાઈ છે. તેમજ બે અધિકારીઓને ચાર્જ સોંપણી પણ કરાઈ છે. 

આર.બી.બ્રહ્મભટ્ટ અને ડૉ.એસ.પી.રાજકુમારને ચાર્જ સોંપાયા
અધિક પોલીસ મહાનિદેશક, પ્રિવેન્શન ઓફ એટ્રોસિટી ઓન એસ.સી./એસ.ટી. & વીકર સેક્શન, ગાંધીનગરની ખાલી જગ્યાનો વધારાનો હવાલો વિકાસ સહાય, આઈ.પી.એસ પોલીસ મહાનિદેશક અને મુખ્ય પોલીસ અધિકારી ગાંધીનગર સંભાળી રહેલા છે તેમજ અધિક પોલીસ મહાનિદેશક (સ્ટેટ મોનિટરીંગ સેલ), ગાંધીનગરની ખાલી જગ્યાનો વધારાનો હવાલો ડૉ. નીરજા ગોટરુ, આઈ.પી.એસ અધિક પોલીસ મહાનિદેશક તાલીમ, ગાંધીનગર સંભાળી રહેલા છે. જે ચાર્જ સોંપણીની વ્યવસ્થામાં ફેરફાર કરી અધિક પોલીસ મહાનિદેશક (સ્ટેટ મોનિટરીંગ સેલ), ગાંધીનગરની ખાલી જગ્યાનો વધારાનો હવાલો આર.બી.બ્રહ્મભટ્ટ, અધિક પોલીસ મહાનિદેશક. સી.આઈ.ડી. (ઈન્ટેલીજન્સ), ગાંધીનગરને અને અધિક પોલીસ મહાનિદેશક, પ્રિવેન્શન ઓફ એટ્રોસિટી ઓન એસ.સી./એસ.ટી. & વીકર સેક્શન, ગાંધીનગરની ખાલી જગ્યાનો વધારાનો હવાલો ડૉ.એસ.પી.રાજકુમાર, અધિક પોલીસ મહાનિદેશક, સી.આઈ.ડી. (ક્રાઈમ અને રેલ્વેઝ), ગાંધીનગરને તેઓની હાલની ફરજો ઉપરાંત અન્ય હુકમો ન થાય ત્યાં સુધી સોંપવામાં આવ્યો છે. 

જુઓ વિગતે

IPS મનોજ અગ્રવાલની બદલી
IPS મનોજ અગ્રવાલને રાજ્ય અનામત પોલીસ પ્રશિક્ષણ કેન્દ્ર જૂનાગઢથી જાહેર હિતમાં બદલી કરવામાં આવી છે અને નિયામક સિવિલ ડિફેન્સ અને કમાન્ડન્ટ જનરલ - હોમગાર્ડસ, અમદાવાદની ખાલી જગ્યા પર તાત્કાલિક નિમણૂક કરવામાં આવી છે. 

વધુમાં જણાવી દઈએ કે, રિયાઝ આર સરવૈયા અને ખુશ્બુ ડી કાપડીયા, તેમજ  કેતકી વ્યાસના પતિ બી.એસ.વ્યાસને પણ બદલીના આદેશ કરાયા છે.
વાંચો કોની ક્યાં બદલી