નિવેદન / આ શહેરોમાં 70 રૂપિયા કિલો વેચાશે ટામેટાં: નાણામંત્રી સિતારમણે કર્યું એલાન, નેપાળથી શરૂ થઈ ગઈ આયાત

• ટામેટાંની કિંમતને લઈને નાણામંત્રીએ આપ્યો જવાબ 
• દિલ્હી NCRમાં ટામેટા 70 રૂપિયામાં મળશે
• NCCF અને Nafed જેવી સહકારી સંસ્થાઓ દ્વારા કરાશે વિતરણ 

દેશમાં મોંઘવારીનો અવાજ RBI થી લઈને સંસદ સુધી ગુંજી રહ્યો છે. જ્યાં RBI ગવર્નર MPCની બેઠક બાદ ચાલુ નાણાકીય વર્ષ માટે મોંઘવારી દરના અંદાજને વધારવાની વાત કરી રહ્યા છે. બીજી તરફ દેશના નાણામંત્રી નિર્મલા સીતારમણ મોંઘવારી મામલે સંસદમાં મોરચો સંભાળી રહ્યા છે. નાણામંત્રીએ દેશમાં ટામેટાના ભાવમાં થયેલા વધારાનો સામનો કરવા માટે કેન્દ્ર સરકાર દ્વારા ઉઠાવવામાં આવેલા પગલાં વિશે વાત કરી. 

કેન્દ્રીય નાણામંત્રી નિર્મલા સીતારમણે ટામેટાંના વધતાં ભાવને લઈ મોટું નિવેદન આપ્યું છે. નિર્મલા સીતારમણે લોકસભામાં જણાવ્યું હતું કે, દિલ્હી-એનસીઆર ક્ષેત્રમાં નેશનલ કોઓપરેટિવ કન્ઝ્યુમર્સ ફેડરેશન ઓફ ઈન્ડિયા લિમિટેડ (NCCF) દ્વારા 70 રૂપિયાના ભાવે ટામેટાં વેચવામાં આવશે. 

દિલ્હી NCRમાં ટામેટા 70 રૂપિયામાં મળશે
નાણાપ્રધાને સંસદમાં જણાવ્યું હતું કે, NCCF આ સપ્તાહના અંત સુધીમાં દિલ્હી-NCR પ્રદેશમાં 70 રૂપિયાના સબસિડીવાળા દરે ટામેટાંનું વેચાણ કરવાની યોજના બનાવી રહી છે અને દિલ્હીના તમામ ખૂણાઓને આવરી લેશે. નાણામંત્રીએ માહિતી આપી હતી કે, NCCF અને Nafed જેવી સહકારી સંસ્થાઓ દ્વારા વિતરણ કરવા માટે મહારાષ્ટ્ર, આંધ્રપ્રદેશ અને કર્ણાટકમાંથી ટામેટાંની ખરીદી કરવામાં આવી રહી છે. તેમણે એમ પણ કહ્યું કે, આ સિસ્ટમનો ઉપયોગ બિહાર, પશ્ચિમ બંગાળ, ઉત્તર પ્રદેશ અને રાજસ્થાન જેવા રાજ્યોમાં 14 જુલાઈથી થઈ રહ્યો છે.

ટામેટાંમાંથી આયાત દૂર કરી
કેન્દ્રીય નાણામંત્રી નિર્મલા સીતારમણે કહ્યું કેમ હું એ હકીકતને પ્રકાશિત કરવા માંગુ છું કે આ આવશ્યક વસ્તુઓ પર અમે પર્યાપ્ત પગલાં લઈ રહ્યા છીએ. અમે જાણીએ છીએ કે, લોકોને પોષણક્ષમ ભાવે આવશ્યક વસ્તુઓ જોઈએ છે. નાણામંત્રી સીતારમણે એ પણ જણાવ્યું કે, સરકારે આયાત પ્રતિબંધ હટાવીને નેપાળમાંથી ટામેટાંની આયાત શરૂ કરી દીધી છે અને શુક્રવાર સુધીમાં ટામેટાંનો પહેલો કન્સાઈનમેન્ટ વારાણસી, લખનૌ અને કાનપુર પહોંચે તેવી શક્યતા છે.

શું કહે છે સરકારી આંકડા ? 
આ તરફ કન્ઝ્યુમર ડિપાર્ટમેન્ટના ડેટા મુજબ દેશમાં ટામેટાંની કિંમત હજુ પણ 250 રૂપિયા પ્રતિ કિલોથી વધુ છે. જો દેશની રાજધાની દિલ્હીની વાત કરીએ તો ટામેટાની કિંમત 160 રૂપિયા પ્રતિ કિલો છે. ગાઝિયાબાદમાં 9 ઓગસ્ટે ટામેટાની કિંમત 130 રૂપિયા જોવા મળી રહી છે. જો મેરઠની વાત કરીએ તો કન્ઝ્યુમર ડિપાર્ટમેન્ટના આંકડા પ્રમાણે ટામેટાની કિંમત 183 રૂપિયા જોવા મળી રહી છે. પશ્ચિમ બંગાળના બરુઈપુરમાં ટામેટા 267 રૂપિયામાં વેચાઈ રહ્યા છે.