નવી બિમારી / Explainer: કેરળમાં બાળકોમાં Tomato flu ફેલાઈ રહ્યો છે, જાણો કેટલો ખતરનાક છે અને શુ છે ઈલાજ

• કેરળમાં Tomato flu એ કરી એન્ટ્રી
• 5 વર્ષથી નાના બાળકોમાં ફેલાયો આ ફ્લૂ
• લાલ ફોલ્લીઓ પડવાના કારણે આપ્યું નામ Tomato flu

કેરળમાં ટોમેટો ફ્લૂની એન્ટ્રી

કોરોનાનું સંક્રમણ હજુ સુધી ગયુ નથી અને નવી બીમારીએ દેશમાં એન્ટ્રી કરી છે. જેનું નામ ટોમેટો ફ્લૂ છે. કારણકે આ બિમારીથી સંક્રમિત થયા બાદ શરીર પર લાલ ફોલ્લીઓ પડી જાય છે. એટલે ટોમેટો ફ્લૂ નામ આપવામાં આવ્યું છે. ટોમેટો ફ્લૂનું સંક્રમણ કેરળમાં કૉલ્લમ જિલ્લામાં ફેલાઇ રહ્યું છે. અત્યાર સુધી 80 બાળકો તેનાથી સંક્રમિત થઈ ચૂક્યા છે, આ બધાની ઉંમર 5 વર્ષથી ઓછી છે. કેરળમાં વધતાં ટોમેટો ફ્લૂના કેસ પછી તામિલનાડુ અને કર્ણાટકમાં પણ હાઇ અલર્ટ કરી દેવામાં આવ્યું છે. 

ટોમેટો ફ્લૂના લક્ષણ શુ છે?

ટોમેટો ફ્લૂમાં ચિકનગુનિયા જેવા લક્ષણ જોવા મળે છે. જેનાથી સંક્રમિત થતાં તાવ, શરીરમાં સોજો અને થાક લાગે છે. જો કે, તેનાથી સંક્રમિત બાળકોની સ્કિનમાં બળતરા અને લાલ ફોલ્લીઓ પડવા લાગે છે. આ બીમારી ક્યાંથી આવી છે, એ કઈ જ ખબર પડી નથી હજુ સુધી. સ્વાસ્થ્ય અધિકારી હજુ સુધી ટોમેટો ફ્લૂના સાચા કારણોની જાણકારી મેળવવાની કોશિશ કરી રહ્યાં છે. 

બચવાના ઉપાય 

હજુ આ બિમારી નવી છે અને હજુ સુધી કઈ ખાસ જાણકારી મળી નથી. એટલા માટે તેનો કોઇ ખાસ ઈલાજ નથી. સંક્રમણથી બચવા માટે તમારી આજુબાજુ સાફ સફાઇ જાળવો. આ સિવાય જો બીજા કોઇ લક્ષણો જોવા મળે છે તો ડોક્ટરને બતાવો. સંક્રમણને ફેલાવાથી રોકવા માટે સંક્રમિત વ્યક્તિ કે સંપર્કમાં આવવાથી બચો.