ઐતિહાસિક / મન કી બાત @100 : આજે 100મી વખત રેડિયોના માધ્યમથી દેશને સંબોધિત કરશે PM મોદી, UNમાં પણ થશે પ્રસારણ

• PM મોદીનો માસિક રેડિયો કાર્યક્રમ 'મન કી બાત'નો 100મો એપિસોડ
• 3 ઓક્ટોબર 2014ના રોજ શરૂ થયો આ મન કી બાત કાર્યક્રમ 
• 100માં એપિસોડમાં 100 રૂપિયાનો સ્મારક સિક્કો બહાર પાડશે

વડાપ્રધાન નરેન્દ્ર મોદીનો માસિક રેડિયો કાર્યક્રમ 'મન કી બાત'નો 100મો એપિસોડ પ્રસારિત થશે. 'મન કી બાત' નો આ 100મો એપિસોડ ઐતિહાસિક હોવાની અપેક્ષા છે, યુએસએનાં ન્યુયોર્કમાં સંયુક્ત રાષ્ટ્રના મુખ્યમથકથી જીવંત પ્રસારણથી લઈ સમગ્ર દેશમાં વિશેષ સ્ક્રીનીંગ સુધી થશે. નાણા મંત્રાલયે જાહેરાત કરી કે તે "મન કી બાત" ના 100મા એપિસોડમાં 100 રૂપિયાનો સ્મારક સિક્કો બહાર પાડશે.

આ ખાસ પ્રસંગને 'અભૂતપૂર્વ' જનસંપર્ક કાર્યક્રમ બનાવવા માટે ભાજપે જોરશોરથી તૈયારીઓ કરી છે. ભાજપે દેશભરમાં લગભગ 4 લાખ બૂથ લેવલ સેન્ટરોમાં મન કી બાતનું પ્રસારણ કરવાની યોજના બનાવી છે જેથી દરેક તેને સાંભળી શકે. દર મહિનાના છેલ્લા રવિવારે સવારે 11 વાગ્યે પ્રસારિત થતો આ 30 મિનિટનો કાર્યક્રમ 3 ઓક્ટોબર 2014ના રોજ શરૂ થયો હતો. ઓલ ઈન્ડિયા રેડિયો સિવાય તે દૂરદર્શન (ડીડી) નેટવર્ક પર પ્રસારિત થાય છે. આ ઉપરાંત પ્રોગ્રામ વિવિધ ઓનલાઈન પ્લેટફોર્મ્સ અને ન્યૂઝ ચેનલો પર પણ પ્રસારિત થાય છે. 

મન કી બાત કાર્યક્રમમાં સામાન્ય લોકોની પ્રેરણાદાયી વાર્તાઓ રજૂ કરવામાં આવી છે જે 'રાષ્ટ્રનિર્માણ માટે નિર્ણાયક છે' અને વડાપ્રધાન રાષ્ટ્રનિર્માણ અંગેના તેમના વિવિધ મંતવ્યો શેર કરે છે જે 'સંપૂર્ણપણે અરાજકીય અને લોકો કેન્દ્રિત' છે. 'મન કી બાત' કાર્યક્રમ 3 ઓક્ટોબર 2014ના રોજ શરૂ થયો હતો અને દર મહિનાના છેલ્લા રવિવારે પ્રસારિત થાય છે. 

સંયુક્ત રાષ્ટ્રના મુખ્યાલય ખાતે ભારતીય મિશને શું કહ્યું ? 
ભારતીય મિશને કહ્યું કે, યુએન હેડક્વાર્ટર ખાતે આ કાર્યક્રમનું જીવંત પ્રસારણ એક ઐતિહાસિક અને અભૂતપૂર્વ ઘટના હશે. ભારતના કાયમી મિશને કહ્યું, 'મન કી બાત રાષ્ટ્રીય પરંપરા બની ગઈ છે, જે લાખો લોકોને ભારતની વિકાસ યાત્રામાં ભાગ લેવા માટે પ્રેરિત કરે છે.' ગુયાના, પનામા, કોલંબિયા અને ડોમિનિકન રિપબ્લિકની સત્તાવાર મુલાકાતે આવેલા વિદેશ મંત્રી એસ જયશંકર પણ સમુદાય દ્વારા આયોજિત કાર્યક્રમમાં હાજરી આપે તેવી અપેક્ષા છે.

વડાપ્રધાન નરેન્દ્ર મોદીના માસિક રેડિયો કાર્યક્રમ 'મન કી બાત'નો 100મો એપિસોડ યુએસએના ન્યૂયોર્કમાં સંયુક્ત રાષ્ટ્રના મુખ્યાલયમાં જીવંત પ્રસારણ કરવામાં આવશે. સંયુક્ત રાષ્ટ્રમાં ભારતના સ્થાયી મિશને તેના વિશે ટ્વિટ કર્યું, 'ઐતિહાસિક ક્ષણ માટે તૈયાર રહો. વડાપ્રધાન મોદીના 'મન કી બાત' કાર્યક્રમનો 100મો એપિસોડ 30 એપ્રિલે સંયુક્ત રાષ્ટ્રના મુખ્યાલયના 'ટ્રસ્ટીશીપ કાઉન્સિલ ચેમ્બર'માં જીવંત પ્રસારણ કરવામાં આવશે. કુલ 30 મિનિટના આ કાર્યક્રમનો 100મો એપિસોડ 30 એપ્રિલે ભારતીય સમય અનુસાર સવારે 11 વાગ્યે પ્રસારિત થશે, જે ન્યૂયોર્કમાં રવિવારે બપોરે 1.30 વાગ્યે હશે.